ശത്രുവിൻ്റെ വിരലടയാളങ്ങൾ – ടിപിഎം നിക്കൊലാവ്യർ (ഭാഗം-2)

സഹോദരൻ നിക്സൺ ഞങ്ങളുടെ ടിപിഎം സ്വർഗ്ഗ വാതിലിനുവേണ്ടി യേശുവുമായി മത്സരിക്കുന്നു എന്ന ബ്ലോഗിൽ എഴുതിയ ഒരു കമ്മെൻറ്റ് ആണ് ഈ ബ്ലോഗിൻ്റെ അവലംബം. ആ ബ്ലോഗിലെ ചോദ്യങ്ങൾക്കായി ഇവിടെ ക്ലിക്ക് ചെയ്യുക. ടിപിഎമ്മിൻ്റെ പ്രസിദ്ധീകരണമായാ “സമാഗമന കൂടാരം” എന്ന പുസ്തകത്തിൽ ടിപിഎം ശുശ്രുഷകന്മാർ മറ്റ് സഭകളിലെ ദൈവദാസന്മാരെ തരംതാഴ്ത്തി സ്വതം മാഹാത്മ്യം ഉയർത്തി കാണിക്കുന്നു. വേറൊരു സഹോദരൻ റിച്ചാർഡ് ഞങ്ങൾക്ക് ആവശ്യമുള്ള പേജുകൾ അയച്ചു സഹായിച്ചു. പ്രതിഷ്ഠിക്കപ്പെട്ട ടിപിഎം ശുശ്രുഷ എല്ലാറ്റിനും പറ്റിയ ഒറ്റമൂലി ആകുന്നു. ടിപിഎം ശുശ്രുഷകന്മാരുടെ എങ്ങനെയെങ്കിലും മറ്റു ദൈവ ശുശ്രുഷകരെ ഇടിച്ചു താഴ്ത്തി അവരുടെ തോളിൽ കയറി ഞങ്ങൾ പ്രത്യേക വിഭാഗം എന്നവകാശപ്പെടുന്നത് അങ്ങേയറ്റം ദുർഗന്ധം ഉളവാക്കുന്നു.  ടിപിഎമ്മിൻ്റെ അഹങ്കാരത്തിൻ്റെ ദുഷ്ടാത്മാവും ഞാനെന്ന ഭാവവും അന്ധർക്ക് പോലും കാണാൻ സാധിക്കും. ഈ ഭാഗങ്ങൾ വെളിച്ചത്തിലേക്ക് കൊണ്ടുവന്നതിൽ ഈ സഹോദരന്മാരോട് അങ്ങേയറ്റം നന്ദിയുള്ളവരാകുന്നു. അടുത്ത വിഭാഗത്തിൽ ഞങ്ങൾ ഇതിനെ കഷണം കഷണമാക്കും.

നമ്മൾ അടിസ്ഥാനം (യഥാർത്ഥ ക്രൈസ്തവലോകം) മനസ്സിലാക്കുന്നതിന് മുൻപ് ടിപിഎം നിക്കോലാവ്യർ നമ്മളെ എത്രമാത്രം വഞ്ചിച്ചു എന്നും നമ്മൾ മരണകരമായ പ്രശ്നത്തിൻ്റെ പിടിയിൽ അകപ്പെട്ടുവെന്നും മനസ്സിലാക്കണം. ഈ പ്രശ്നം പ്രവചന നിറവേറലാണ്. താഴെ കൊടുത്തിരിക്കുന്ന വാക്യത്തിലെ പ്രമുഖമാക്കി കാട്ടിയ ഭാഗം ശ്രദ്ധിക്കുക.

അപ്പൊ.പ്രവ. 20:29-30, “ഞാൻ പോയശേഷം ആട്ടിൻകൂട്ടത്തെ ആദരിക്കാത്ത കൊടിയ ചെന്നായ്‌ക്കൾ നിങ്ങളുടെ ഇടയിൽ കടക്കും എന്നു ഞാൻ അറിയുന്നു. ശിഷ്യന്മാരെ തങ്ങളുടെ പിന്നാലെ വലിച്ചുകളവാനായി വിപരീതോപദേശം പ്രസ്താവിക്കുന്ന പുരുഷന്മാർ നിങ്ങളുടെ ഇടയിൽനിന്നും എഴുന്നേല്‌ക്കും.

യഥാർത്ഥ ക്രിസ്തുമതവും അതിൽ ഇന്ന് നടക്കുന്ന അഴിമതിയും

യഥാർത്ഥ ക്രിസ്തീയത

ക്രിസ്തിയ ജീവിതത്തിലെ ഏറ്റവും ഉയർന്ന വ്യക്തിത്വം യേശുവിൻ്റെതാകുന്നു. എല്ലാ ക്രിസ്ത്യാനികളും യേശുവിനെയും യഥാർത്ഥ ക്രിസ്താനിത്വം യേശുവുമാണെന്ന് അറിയാവുന്നവരാണ്. യേശുവുമായി ഒരു സ്ഥിരമായ വ്യക്തി ബന്ധം നമ്മുക്ക് ആവശ്യമാണ്. യേശു ക്രിസ്തു നമ്മുടെ ജീവിതം വളരെ ലളിതമാക്കിയതാൽ നമ്മുക്ക് ക്രിസ്തുവിനെ  മാത്രം ലാക്കാക്കി വചന സത്യത്തിൽ കൂടെ മുൻപോട്ട് പോകാൻ സാധിക്കും. നമുക്കെല്ലാവർക്കും വചനം മനസ്സിലാക്കാനുള്ള കൃപ ദൈവം നൽകിയിട്ടുണ്ട്, അത് ആർക്കെങ്കിലും മനസ്സിലാകുന്നില്ലെങ്കിൽ ദൈവത്തോട് ചോദിക്കുക ദൈവം സഹായിക്കും.

യാക്കോബ് 1:5, “നിങ്ങളിൽ ഒരുത്തന് ജ്ഞാനം കുറവാകുന്നു എങ്കിൽ ഭർത്സിക്കാതെ എല്ലാവർക്കും ഔദാര്യമായി കൊടുക്കുന്നവനായ ദൈവത്തോട് യാചിക്കട്ടെ; അപ്പോൾ അവന് ലഭിക്കും.“

ഞാൻ പ്രതിപാദിച്ച ഈ ലളിതമായ വിശദീകരണത്തിനപ്പുറം ഒരു ക്രിത്യാനിക്ക് എന്ത് വേണം?

കർത്താവിനെ സ്നേഹിക്കയും അവൻ്റെ വഴികളിൽ നടക്കുകയും ചെയ്യുന്ന ആത്മാർത്ഥ ക്രിസ്താനികളുടെ കൂട്ടായ്മ ആണ് ആവശ്യം. ഇതാണ് ഏറ്റവും ലളിതമായ പോംവഴി.

യഥാർത്ഥ ക്രിസ്തീയ കൂട്ടായ്മയുടെ മാതൃക

യേശുവിൻ്റെ നാമത്തിൽ രണ്ടോ മൂന്നോ പേര് കൂടിവരുന്നത്  “കൂട്ടായ്മ” (EKKLESIA)  ആയി ചിന്തിക്കാൻ തക്കവണ്ണം ലളിതമാണ് ക്രിസ്തിയ സഭ. ഈ വ്യക്തികൾ അന്യോന്യം ആത്മീക സമ്മാനങ്ങളും സ്നേഹവും പങ്കിടണം. അതേ സമയം ഓരോരുത്തരും ദൈവവുമായി നേരിട്ട് ബന്ധമുള്ളവരുമായിരിക്കണം. അവരും ദൈവവുമായി ഉള്ള ബന്ധം തകർക്കുന്ന ആരും ഉണ്ടാകാൻ പാടില്ല. അപ്പം മുറിച്ചു നമ്മുടെ രക്ഷിതാവിനെ ഓർക്കുന്നതാണ് കൂട്ടായ്മയുടെ   ഏറ്റവും പ്രാധാന്യമുള്ള വിഷയങ്ങളിൽ ഒന്ന്. ഇത് വളരെ സ്പഷ്ടവും ലളിതവും അല്ലെ?

അപ്പൊ.പ്രവ. 2:46-47, “ഒരുമനപ്പെട്ടു ദിനംപ്രതി ദൈവാലയത്തിൽ കൂടിവരികയും വീട്ടിൽ അപ്പം നുറുക്കിക്കൊണ്ട് ഉല്ലാസവും ഹൃദയപരമാർത്ഥതയും പൂണ്ടു ഭക്ഷണം കഴിക്കയും ദൈവത്തെ സ്തുതിക്കയും സകലജനത്തിൻ്റെയും കൃപ അനുഭവിക്കയും ചെയ്തു. കർത്താവ് രക്ഷിക്കപ്പെടുന്നവരെ ദിനംപ്രതി സഭയോടു ചേർത്തുകൊണ്ടിരുന്നു.“

1 കൊരിന്ത്യർ 14:26, “ആകയാൽ എന്ത്? സഹോദരന്മാരേ, നിങ്ങൾ കൂടിവരുമ്പോൾ ഓരോരുത്തന്നു സങ്കീർത്തനം ഉണ്ട്, ഉപദേശം ഉണ്ട്, വെളിപ്പാടു ഉണ്ട്, അന്യഭാഷ ഉണ്ട്, വ്യഖ്യാനം ഉണ്ട്, സകലവും ആത്മികവർദ്ധനെക്കായി ഉതകട്ടെ.

വ്യാപാരമാതൃകയിലുള്ള ദല്ലാള്‍പ്പണി ആലയങ്ങൾ

യേശു ക്രിസ്തു സ്ഥാപിച്ച സഭ സ്നേഹവും കരുതലും കര കവിഞ്ഞ് ഒഴുകുന്നതായിരുന്നു. നയിക്കപ്പെടുന്നതിന് ഒരു മാനുഷിക നേതാവ് ഇല്ലാതെ എല്ലാവരും പരിശുദ്ധാത്മാവിനാൽ നയിക്കപ്പെട്ടു. എല്ലാവരും ഹൃദയങ്ങളിൽ വഞ്ചന ഇല്ലാത്ത ശിശുക്കൾ പോലെ ആയിരുന്നു. ആദ്യകാല സഭകളിൽ ആത്മാവിൻ്റെ ഫലങ്ങൾ ഒഴുകുകയായിരുന്നു.

കർത്താവിൻ്റെ ഗോതമ്പ് നിലത്തിൽ സാത്താൻ കള എറിഞ്ഞതാണ്‌ സന്ദര്‍ഭം. മത്തായി 13:25 മനുഷ്യർ ഉറങ്ങുമ്പോൾ അവൻ്റെ ശത്രു വന്നു, ഗോതമ്പിൻ്റെ ഇടയിൽ കള വിതെച്ചു പൊയ്‌ക്കളഞ്ഞു.

ഒരു ജോലി മാത്രം ചെയ്യുന്ന ഫലമില്ലാത്ത വിത്താണ് കള. അത് ഗോതമ്പിന് ഇടുന്ന പോഷകങ്ങൾ മുഴുവൻ വലിച്ചെടുത്ത്‌ ഗോതമ്പിനെക്കാൾ ഉയരത്തിൽ വളർന്നു നിൽക്കും. അതിൽ യാതൊരു ഫലവുമില്ല, എന്നാൽ ഫലം തരുന്ന ഗോതമ്പിനെക്കാൾ തലവനായി ഉയർന്നു നിൽക്കും.

കള സുസ്ഥാപിതാചാരമായ സഭകളും അതിലെ വേലക്കാർ നാം ഇന്ന് ടിപിഎമ്മിൽ കാണുന്നവരെ പോലെയുള്ളവരുമാണ്. അവർ ദല്ലാള്‍പ്പണി ആലയങ്ങൾ പണിത്‌ അന്യോന്യം ദൈവുമായുള്ള ബന്ധം വേർപെടുത്തുകയും വിശ്വാസികളും ദൈവവുമായുള്ള ബന്ധം തകർക്കുകയും ചെയ്തവരാണ്. ഈ ദുഷിച്ച കളകൾ കഴിയുന്നിടത്തെല്ലാം നുഴഞ്ഞു കയറിയിരിക്കുന്നു.

ദൈവവുമായുള്ള ബന്ധം വേർപ്പെടുത്തിയ ഈ ദല്ലാൾ (കള), വിശ്വാസികളോട്   ഞങ്ങൾ നിങ്ങൾക്ക് വേണ്ടി ദൈവത്തോട് പ്രാർത്ഥിക്കും എന്ന് അവകാശപ്പെടുന്നു. നിങ്ങൾ ഞങ്ങൾക്കും ദൈവത്തിനും മദ്ധ്യേ വരാൻ ഞങ്ങൾ എപ്പോൾ നിങ്ങളോട് ആവശ്യപ്പെട്ടുവെന്ന് ഞാൻ ഇവരോട് ചോദിക്കാൻ ആഗ്രഹിക്കുന്നു? ഇവർ ദുരുപദേശം പഠിപ്പിച്ചു നിങ്ങളുടെ ആത്മീക ജീവിതത്തിൻ്റെ അത്യന്താപേക്ഷിതമായ ഭാഗമായി തീരുന്നു. പ്രിയ വായനക്കാരെ, ഈ കളകൾ വലിച്ചെറിഞ്ഞു അവരെ നിങ്ങളുടെ വഴിയിൽ നിന്നും പുറത്താക്കാൻ ഞാൻ അഭിപ്രായപ്പെടുന്നു. നിങ്ങളുടെ ദൈവവുമായുള്ള ബന്ധത്തിന് ഇവർ ഒരു ശല്യമാണ്. ദൈവം നേരിട്ടുള്ള സ്നേഹ ബന്ധം ആഗ്രഹിക്കുന്നു. ടിപിഎംകാരെ പോലെ ആരെയും ദൈവവുമായുള്ള ബന്ധത്തിനായി ദല്ലാൾ കാരനായി വെച്ചിട്ടില്ല. ഞാനൊന്നു ചോദിക്കട്ടെ, നിങ്ങൾ ഒരു മാതാവൊ പിതാവൊ ആണെങ്കിൽ ഒരു അപരിചിതൻ വന്ന് നിങ്ങളുടെ കുട്ടിയുടെയും നിങ്ങളുടെയും മദ്ധ്യേയുള്ള ബന്ധം തകർക്കാൻ സമ്മതിക്കുമോ? ദൈവം ഇതിൽ നിന്നും എത്രയോ അകലെയാണ്. ഈ ദല്ലാളുമാരെ നിങ്ങൾക്കും മറ്റു സഹോദരങ്ങൾക്കും ദൈവവുമായുള്ള ബന്ധത്തിൽ നിന്നും അകറ്റേണ്ടത് നിങ്ങൾ ഓരോരുത്തരുടെയും ഉത്തരവാദിത്തമാണ്. എത്രയും പെട്ടെന്ന് ഈ കൈകടത്തല്‍ നിർത്തുന്നുവോ അത്രയും ഭേദമായിരിക്കും.

നിങ്ങളുടെ ഉയർച്ചയിൽ ഈ ദല്ലാളുമാർക്ക് യാതൊരു താല്പര്യവുമില്ല. നിങ്ങളുടെ പണവും സമർപ്പണവും മാത്രമേ അവർക്ക് ആവശ്യമുള്ളു.  ഒരു ബിസിനെസ്സ് സംരംഭം പോലെ നിങ്ങളെ വരുതിയിൽ നിർത്തി അവരുടെ കച്ചവടം കുട്ടുന്നതിലാണ് അവർക്ക് താല്പര്യം. ടിപിഎം ഒരു സംഘടന എന്ന നിലയിൽ കൂടുതൽ ബിസിനസ്സും കൂടുതൽ കച്ചവടവും മാത്രമേ ഉദ്ദേശമുള്ളു. നിങ്ങൾക്ക് ദൈവവുമായുള്ള ബന്ധം തകർക്കുന്നതാണ് അവരുടെ ബിസിനസ്സിൻ്റെ വളർച്ചയ്ക്കുള്ള പ്രതിഫലം. ഈ ബിസിനെസ്സ് നിങ്ങൾക്ക് ആദായകരമല്ല. നഷ്ട കച്ചവടം നിർത്തി ദൈവവുമായി അടുത്തു വരിക.

നിങ്ങൾ ബിസിനെസ്സ് ചെയുമ്പോൾ മാർക്കറ്റ് പിടിക്കാനായി ഒരു പ്രത്യേക വില്പന ബിന്ദു [UNIQE SELLING POINT (USP)] ഇറക്കണം. ഈ ടിപിഎം നിക്കൊലാവ്യർ ഒരു പ്രേത്യേക “USP” ഇറക്കുമതി ചെയ്തു, അതാണ് “പ്രതിഷ്ഠിക്കപ്പെട്ട ദൈവത്തിൻ്റെ വേലക്കാർ.”  അടുത്ത പരമ്പര മൂന്നാം ഭാഗത്തിൽ നമ്മൾക്ക് ഈ  “USP” യെ പറ്റി കൂടുതലായി പഠിക്കാം.

ദൈവം നിങ്ങളെ അനുഗ്രഹിക്കട്ടെ.