നിയമ സിദ്ധാന്തത്തിൻ്റെ പടുകുഴിയിൽ നിന്ന് ക്രിസ്തുവിലുള്ള സ്വാതന്ത്ര്യത്തിലേക്ക് – ഭാഗം 1

ആദ്യമായി എന്താണ് നിയമ സിദ്ധാന്തം (LEGALISM)?

“നിയമ സിദ്ധാന്തം (LEGALISM)” എന്നത് അമിതമായ അസംബന്ധമായ നിയമങ്ങളുടെ ദുരുപയോഗമാണ്. (വിശുദ്ധി നിയമം, തിരഞ്ഞെടുത്ത പഴയ നിയമ കല്പനകൾ, മനുഷ്യ നിർമ്മിത നിയമങ്ങൾ, പുതിയ ചെയ്യേണ്ടതും അല്ലാത്തതുമായ കാര്യങ്ങള്‍ മുതലായവ). നിയമ സിദ്ധാന്തം വേറെ രൂപത്തിലും ആകാം. രക്ഷയ്ക്കായി ഒരു വ്യക്തി നിയമങ്ങൾ അനുസരിക്കുന്നതാണ് ആദ്യത്തേത്. അടുത്തത് ഒരു വ്യക്തി രക്ഷ നിലനിർത്തുന്നതിനായി നിയമങ്ങൾ അനുസരിക്കുന്നതാണ്. മൂന്നാമത് ഒരു ക്രിസ്ത്യനി അവർ ആചരിക്കുന്ന ചില നിയമാവലികൾ അംഗീകരിക്കാത്ത മറ്റു ക്രിസ്ത്യാനികളെ വിധിക്കുന്നതാകുന്നു.

എനിക്കറിയാവുന്ന ധാരാളം കാര്യങ്ങൾ ഉണ്ടെങ്കിലും, നിയമ സിദ്ധാന്തങ്ങളുടെ പിടിയിൽ കിടക്കുന്ന ഒരു സഭയാണ് ടിപിഎം. എന്നെ വിസ്മയിപ്പിക്കുന്ന കാര്യം വേറെ ഒരെണ്ണം ഇതു വരെയും കണ്ടുകിട്ടിയില്ല എന്നതാണ് (ഒരു പക്ഷെ ഉണ്ടായിരിക്കാം). ടിപിഎം ആ മത്സരം നല്ല ദൂരത്തിൽ ജയിച്ചിരിക്കുന്നു. ഒരു ദിവസത്തിൽ ഏറ്റവും കൂടുതൽ നിയമം ഉണ്ടാക്കുന്ന സഭ എന്ന ഒരു മത്സരം നടത്തിയാൽ ടിപിഎം തീർച്ചയായും കേക്ക് നേടും എന്നതിന് യാതൊരു സംശയവുമില്ല. പക്ഷെ ആ കേക്കിൻ്റെ അന്ത്യം ചവറ്റു കോട്ടയായിരിക്കും, കാരണം അതിൽ അല്പം വീഞ്ഞും കഫിനും അടങ്ങിയിട്ടുണ്ട്.

ടിപിഎം ക്രമപ്രകാരം ഓരോ സമയവും പാപം ചെയ്യമ്പോൾ രക്ഷ നഷ്ടപ്പെടുന്നു. ടിപിഎം പാപമില്ലാത്ത പൂർണ്ണതയിൽ വിശ്വസിക്കുന്നു, പാപം ചെയ്യാത്ത പൂർണർ (ജീവിതത്തിൽ ഒരു പാപവും ചെയ്യാത്തവർ) മാത്രമേ സ്വർഗ്ഗത്തിൽ പോകുകയുള്ളു എന്ന് ടിപിഎം പഠിപ്പിക്കുന്നു. ടിപിഎമ്മിൻ്റെ ഈ വൈദികശാസ്ത്രം ദൈവത്തിൻ്റെ വിശുദ്ധിയും പവിത്രതയും തരം താഴ്ത്താനുള്ള ശ്രമമാണെന്ന് ഞാൻ വിശ്വസിക്കുന്നു. പാപമില്ലാത്തവൻ എന്ന ഗുണവിശേഷം ദൈവത്തിനു മാത്രമുള്ളതാണ്.

നിങ്ങൾക്ക് കൂടുതലായി മനസ്സിലാക്കുവാൻ വേണ്ടി, നമ്മൾ ക്രിസ്തുവിനെ പോലെ ആകേണ്ടതിന് ടിപിഎം ചെയ്യേണ്ടതും അല്ലാത്തതുമായ കാര്യങ്ങളുടെ ഒരു വലിയ ലിസ്റ്റ് തയ്യാറാക്കി വെച്ചിട്ടുണ്ട്. അത് ഇതു മാതിരിയാണ്, കള്ളം പറയരുത്, മോഷ്ടിക്കരുത്, കഴിയുന്നത്ര സഭാ യോഗങ്ങളിൽ പങ്കെടുക്കണം, സഭയിൽ വെള്ള വസ്ത്രം ധരിക്കണം, മീശ വെയ്ക്കരുത്, വീഞ്ഞ് തൊടരുത്, TV വാങ്ങരുത്, ഹോട്ടലിൽ പോകരുത്, ക്രിക്കറ്റും ഫുട്ബോളും കാണരുത്, ജിമ്മിൽ പോകരുത്, നോവൽ വായിക്കരുത്, ക്രിസ്ത്യൻ പാട്ടുകൾ കേൾക്കരുത്, കാർട്ടൂണും ക്രിസ്ത്യൻ സിനിമകളും കാണരുത്, തീയേറ്ററിൽ  പോകരുത്. ദശാംശം ക്രമമായി കൊടുക്കണം, ശുശ്രുഷകർ പറയുന്നതെന്തും അനുസരിക്കണം മുതലായവ. ഇതിൽ ചില ദൈവീക കല്പനകൾ ഉണ്ടെങ്കിലും ഭൂരിപക്ഷവും മനുഷ സൃഷ്ടിയാണ്.

ഇതാ ഒരു ഞെട്ടിപ്പിക്കുന്ന സത്യം. ദൈവത്തിനു നമ്മോടുള്ള സ്നേഹത്തിൻ്റെ പ്രതികരണം ആയിട്ടല്ല ഈ നിയമനങ്ങൾ പിന്തുടരുന്നത്, പിന്നെയോ നമ്മൾ ഈ നിയമനങ്ങൾ പിന്തുടരുന്നത് ദൈവം നമ്മളെ നരകത്തിലേക്ക് തള്ളാതിരിക്കാനാണ് എന്ന് ടിപിഎം പറയും. അതായത് രക്ഷ നഷ്ടപ്പെടുക. നമ്മൾ സത്യമായി ദൈവത്തോടുള്ള സ്നേഹം കൊണ്ട് ഇത് ചെയ്യുകയാണെങ്കിൽ, മനുഷ നിയമങ്ങൾക്ക് പകരം പരിശുദ്ധാത്മാവ് നയിക്കുമായിരുന്നു.

ഇങ്ങനെ ഒരു തമിഴ് പാട്ട് ഉണ്ട്, “ഉനക്കാഗെ നാൻ മരിതേനെ, എനക്കാഗെ നീ എന്നാ സൈതാൾ” അർത്ഥം “ഞാൻ നിനക്കായ് മരിച്ചു, നീ എനിക്ക് എന്ത് ചെയ്തു?” IYC യോഗത്തിൽ ഓരോ പ്രാവശ്യവും ഈ പാട്ട് പാടി ജനങ്ങളെ വികാരാതീനരാക്കി ടിപിഎമ്മിൽ “മുഴുവൻ സമയ ശുശ്രുഷക്ക്” പ്രേരിതരാക്കുന്നു. ഒരാളുടെ ഉപബോധ മനസ്സിൽ ദൈവത്തിൻ്റെ വലിയ യാഗത്തിന് മറുവിലയായി എന്തെങ്കിലും ചെയ്യണമെന്ന് ഈ പാട്ടിൽ കൂടെ പ്രേരിപ്പിക്കുന്നു. ഇത് ഒരു അപകടകരമായ അവസ്ഥയാണ്. ഇതു മൂലം ദൈവം പാതി ചെയ്യും ബാക്കി ഞാനും എന്ന ചിന്ത ഉണ്ടാകുന്നു.

അത് മനസ്സിൽ വെച്ചു കൊണ്ട് ഞാൻ ചോദിക്കട്ടെ, നിങ്ങൾക്ക് രക്ഷയെ  പറ്റി തീർച്ചയുണ്ടോ? നിങ്ങളുടെ രക്ഷ നിങ്ങൾക്കു വേണ്ടി യേശു ക്രൂശിൽ  ചെയ്തത് അനുസരിച്ചാണോ അതോ ഭൂമിയിലുള്ള നിങ്ങളുടെ പ്രകടനം അനുസരിച്ചാണോ?

ഉദാഹരണമായി, നിങ്ങളുടെ രക്ഷ നിങ്ങൾ കഴിക്കുന്ന മരുന്നിനെ ആശ്രയിച്ചാണോ നിലനിൽക്കുന്നത്?

മരുന്ന് ഉപയോഗിക്കുന്നവർ ക്രിസ്തുവിൻ്റെ രണ്ടാം വരവിൽ കൈ വിട്ടുപോകും എന്ന് ടിപിഎം പഠിപ്പിക്കുന്നു. ഇതാണോ നിങ്ങളുടെ ഉറപ്പ്? യേശു നിങ്ങളെ കൈകൊള്ളാത്തതുപോലെ? രക്ഷയിൽ ക്രിസ്തു നമ്മെ ദത്തെടുത്തു എന്ന് തിരുവചനം പഠിപ്പിക്കുന്നു (എഫെസ്യർ 1:5). നമ്മൾ വിശ്വസിക്കുമ്പോൾ പരിശുദ്ധാത്മാവിൽ മുദ്രയിടപ്പെടുന്നു (എഫെസ്യർ 1:14).

എല്ലാ വർഷവും യൂത്ത് ക്യാമ്പിൽ ഫോം പൂരിപ്പിക്കുമ്പോൾ മേൽപ്പറഞ്ഞ ചോദ്യം എന്നെ സംഭ്രമിപ്പിക്കുന്നത് ഞാൻ ഓർക്കുന്നു. ഞാൻ  “YES” എന്ന് രേഖപ്പെടുത്തിയാൽ, ആ ഫോം പാസ്റ്ററുടെ അടുക്കൽ എത്തുമ്പോഴേക്കും ഞാൻ പാപം ചെയ്ത് എൻ്റെ രക്ഷ നഷ്ടപ്പെടുത്തി എന്ന് ടിപിഎം പറയുന്നു. (എൻ്റെ ചിന്തയും ആ കാലത്ത്‌ അങ്ങനെ ആയിരുന്നു. ചില ടിപിഎം പാസ്റ്റർമാർ വെളിയിൽ പോയി ഹോട്ടലിൽ നിന്നും ആഹാരം കഴിക്കുന്നത് പാപമാണെന്നു പ്രസംഗിക്കുന്നുണ്ട്). എനിക്ക് മനസ്സിലാകാത്ത ഒരു ലളിതമായ സത്യം എൻ്റെ രക്ഷ എൻ്റെ പ്രവർത്തനങ്ങളെ ആശ്രയിക്കുന്നില്ല, ക്രിസ്തു എനിക്ക് ചെയ്തതിനെയാണ് എന്ന് വിശ്വാസികൾ തിരിച്ചറിയാത്തത് എന്തുകൊണ്ടാണ്?  ടിപിഎം വിശ്വാസികളായ നമ്മൾ, ചെയ്ത പ്രവർത്തികളെ ആലോചിച്ചു കൊണ്ടിരിക്കും എന്നാൽ ക്രിസ്തു നമ്മുക്ക് എന്ത് ചെയ്തു എന്ന് ചിന്തിക്കുകയേ ഇല്ല.

“ഇതു കഠിനവാക്ക്, ഇത് ആർക്ക് കേൾപ്പാൻ കഴിയും”

യോഹന്നാൻ 6:60 ൽ മേൽപ്പറഞ്ഞ വാക്കുകൾ, ടിപിഎം നിയമങ്ങൾ എതിർക്കുന്നവർക്ക് എതിരെ ഉപയോഗിക്കുന്നു. ടിപിഎം ദുരുപദേശങ്ങൾ സൃഷ്ടിച്ച് ഈ വാഖ്യം വളച്ചൊടിച്ചു വിശ്വാസികളെ വരയിൽ നിർത്താൻ ശ്രമിക്കുന്നത് ഞാൻ കണ്ടു കണ്ടു മടുത്തു. വിശ്വാസികൾ ചിന്തിക്കും,”ഇത് കഠിനവാക്കു എന്ന് ചിന്തിച്ചു യോഹന്നാൻ 6 ൽ യേശുവിനെ ഉപേക്ഷിച്ചവരെ പോലെ  ആകാതെ ഞങ്ങൾ ഇത് സ്വീകരിക്കുന്നു”.

യോഹന്നാൻ 6 എന്താണ്?

യോഹന്നാൻ 6 സുവിശേഷം ആകുന്നു. ചുരുക്കത്തിൽ പറഞ്ഞാൽ, യേശു സ്വർഗത്തിൽ നിന്നും വന്ന ജീവൻ്റെ അപ്പം ആകുന്നു. ഇവിടെ യേശു, താനും മന്നയും തമ്മിൽ ഉള്ള  ഒരു താരതമ്യം ചെയ്യുകയാണ്. യഹൂദന്മാർ മരുഭൂവാസത്തിൽ സ്വർഗീയ ഭക്ഷണം കഴിച്ചെങ്കിലും പട്ടു പോയി. പക്ഷെ യേശു കൊടുക്കുന്ന സ്വർഗീയ ഭോജനം നിത്യജീവൻ ആകുന്നു.

യോഹന്നാൻ  6:54, “എൻ്റെ മാംസം തിന്നുകയും എൻ്റെ രക്തം കുടിക്കയും ചെയ്യുന്നവന് നിത്യജീവൻ ഉണ്ടു;”

യോഹന്നാൻ  6:35, “എൻ്റെ അടുക്കൽ വരുന്നവന് വിശക്കയില്ല; എന്നിൽ വിശ്വസിക്കുന്നവന്നു ഒരു നാളും ദാഹിക്കയുമില്ല.”

ഇവിടെ യേശു “വരികയും വിശ്വസിക്കയും” എന്ന പദങ്ങൾക്ക് സമാന്തരമായി “തിന്നുകയും കുടിക്കുകയും” എന്ന പദങ്ങൾ ഉപയോഗിക്കുന്നു. ഇത് കേട്ട യെഹൂദന്മാർ അക്ഷരാർത്ഥത്തിൽ യേശുവിൻ്റെ മാംസം തിന്നണം എന്ന് വിചാരിച്ച് എതിർത്തു (മനുഷ മാംസം വെറുക്കപ്പെട്ടതാകുന്നു). യേശു അവരുടെ അന്ധതയുടെ കാരണം വിശദീകരിക്കുന്നു. വാഖ്യം 44, “എന്നെ അയച്ച പിതാവ് ആകർഷിച്ചിട്ടല്ലാതെ ആർക്കും എൻ്റെ അടുക്കൽ വരുവാൻ കഴികയില്ല;” അതുകൊണ്ടാണ് അവർ  “ഇത് കഠിനവാക്ക്” എന്ന് പറഞ്ഞത്.     ക്രിസ്തുവിൽ നിന്നും ശ്രദ്ധ തിരിക്കുന്ന വേദപുസ്തക വിരുദ്ധമായ നിയമങ്ങളും ചട്ടങ്ങളും ജനങ്ങളുടെ മേൽ അടിച്ചേൽപ്പിച്ച് അടിമകൾ ആക്കാനുള്ള വിവിധോദ്ദേശ്യമുള്ള ഉപകരണം അല്ല ഈ വാഖ്യം. അതുകൊണ്ട് അടുത്ത പ്രാവശ്യം ഒരു ടിപിഎം പാസ്റ്റർ വേദപുസ്തക വിരുദ്ധ നിയമങ്ങൾ പ്രസംഗിക്കുമ്പോൾ ഇത് ഓർക്കുക.

സമാപ്ത ചിന്തകൾ

നിയമ സിദ്ധാന്തം എന്ന ആത്മാവ് തള്ളി ക്രിസ്തുവിലേക്ക് നോക്കാൻ സഹായിക്കുന്ന ചില വാഖ്യങ്ങൾ രേഖപ്പെടുത്തി ഈ ആർട്ടിക്കിൾ ഉപസംഹരിക്കാൻ ആഗ്രഹിക്കുന്നു.

2 കൊരിന്ത്യർ 11:3, “എന്നാൽ സർപ്പം ഹവ്വയെ ഉപായത്താൽ ചതിച്ചതുപോലെ നിങ്ങളുടെ മനസ്സ് ക്രിസ്തുവിനോടുള്ള ഏകാഗ്രതയും നിർമ്മലതയും വിട്ട് വഷളായിപ്പോകുമോ എന്ന് ഞാൻ ഭയപ്പെടുന്നു.”

എഫെസ്യർ  2:8-9, “കൃപയാലല്ലോ നിങ്ങൾ വിശ്വാസംമൂലം രക്ഷിക്കപ്പെട്ടിരിക്കുന്നതു; അതിന്നും നിങ്ങൾ കാരണമല്ല; ദൈവത്തിൻ്റെ ദാനമത്രേയാകുന്നു. ആരും പ്രശംസിക്കാതിരിപ്പാൻ പ്രവൃത്തികളും കാരണമല്ല.”

ഗലാത്യർ  2:21, “ഞാൻ ദൈവത്തിൻ്റെ കൃപ വൃഥാവാക്കുന്നില്ല ന്യായപ്രമാണത്താൽ നീതിവരുന്നു എങ്കിൽ ക്രിസ്തു മരിച്ചത് വെറുതെയല്ലോ.”

ദൈവം നിങ്ങളെ അനുഗ്രഹിക്കട്ടെ.