യേശു ക്രിസ്തുവിൻ്റെ മഹിമ താഴ്ത്തി സ്വന്തം മഹിമ ഉയർത്തുന്ന ടിപിഎം ഉപദേശം

ടിപിഎമ്മിൻ്റെ കാതലായ പഠിപ്പിക്കുകളിൽ ഒന്നാണ് വിഭജനം (DISPENSATION). ടിപിഎമ്മി ൻ്റെ പുതിയ ഭൂമി, പുതിയ ആകാശം, പുതിയ യെരുശലേം, സീയോൻ എന്നീ ഉപദേശങ്ങൾ നെൽസൺ ഡാർബി അടിസ്ഥാനത്തിൽ ഉറപ്പിച്ചിരിക്കുന്നു. ദുർഭാഗ്യവശാൽ, മനുഷ്യ ജാ തിയെ രക്ഷിക്കുന്ന ദൈവ മഹിമ ഈ ഉപദേശങ്ങൾ മൂലം താഴ്ത്തപ്പെടുന്നു. ഇത് ക്രിസ്തു വിൻ്റെ മരണത്താൽ ലഭിച്ച പാപനിവൃത്തിക്ക് കടിഞ്ഞാണിടുന്നു. കുരിശിൽ നിർവ്വഹിച്ച ദൈവത്തിൻ്റെ അതിമഹത്തായ പ്രവൃത്തി ഈ പറയപ്പെടുന്ന വിശുദ്ധന്മാരുടെ വെളിപ്പാടു കളാൽ മറയ്ക്കപ്പെടുന്നു (വിഭജനകളുടെ വെളിപ്പാടുകൾ). ടിപിഎം ഉപദേശങ്ങൾ യേശു ക്രിസ്തുവിനെ എങ്ങനെ ദുഷിക്കുന്നുവെന്ന് ഞങ്ങൾ നിങ്ങൾക്ക് വെളിപ്പെടുത്തി തരുന്നത് സാവകാശത്തിൽ ചിന്തിച്ചു മനസ്സിലാക്കുക.

വിഭജനങ്ങളെ കുറിച്ചുള്ള ദുരുപദേശങ്ങൾ

ടിപിഎം വിശ്വാസം  അനുസരിച്ച്, ഒരു പ്രത്യേക യുഗത്തിൽ ദൈവം ചില നിയമങ്ങളും ചട്ടക്കൂടുകളും തൻ്റെ ജനങ്ങൾക്ക് കൊടുത്ത് അതിൻ പ്രകാരം ജനങ്ങളെ വിധിക്കുന്നു (സൺ‌ഡേ സ്കൂൾ സ്റ്റാൻഡേർഡ് 11, അദ്ധ്യായം 8). ടിപിഎം  ചീഫ് പാസ്റ്റർമ്മാർക്ക് ലഭിച്ച വെളിപ്പാടുകളുടെ അടിസ്ഥാനത്തിൽ 10 യുഗങ്ങൾ (വിഭജനങ്ങൾ) ഉണ്ട്.

1. ദൂതന്മാരുടെ യുഗം
2. നിഷ്‌കന്മഷ യുഗം
3. മനസ്സാക്ഷി യുഗം
4. ന്യായപ്രമാണ യുഗം
5. സങ്കലന യുഗം
6. കൃപായുഗം
7. ഉപദ്രവ കാലം
8. മഹോപദ്രവ കാലം
9. സഹസ്രാബ്ദ യുഗം
10. നിത്യത

ആദാം മുതൽ ഇപ്പോൾ നമ്മൾ വരെയുള്ള കാലയളവിനെ നിഷ്‌കന്മഷ യുഗം, ന്യായപ്രമാ ണ യുഗം, കൃപായുഗം എന്നോക്കെ വിഭജിക്കാൻ പാടില്ലെന്ന് ഞാൻ പറയുന്നില്ല. കാലയള വിനെ എത്ര ഭാഗമായിട്ട് വിഭജിക്കുകയോ അതിനു എന്ത് പേര് വേണമെങ്കിലും കൊടുക്കു കയോ ചെയ്യാം. എനിക്ക് യാതൊരു പ്രശ്നവുമില്ല. “ദൈവം ഓരോ കാലയളവിലും ഓരോ നിയമങ്ങൾ കൊടുത്ത് മനുഷ്യനെ വിധിക്കും” എന്ന് പറയുന്ന ആശയത്തെയാണ് ഞാൻ അങ്ങേയറ്റം എതിർക്കുന്നത്. അബ്രഹാം മനസ്സാക്ഷി അനുസരിച്ചും ദാവീദ് മോശയുടെ ന്യായപ്രമാണം അനുസരിച്ചും വിധിക്കപ്പെടും. എന്താണ് ഇതിൻ്റെ അര്‍ത്ഥം? നമ്മൾ വിഭജ ന ഉപദേശം ഗൗരവമായി എടുത്താൽ അബ്രാമിൻ്റെ രക്ഷ (ദൈവത്തിൻ്റെ ന്യായവിധിയി ൽ നിന്നും വിടുതൽ നേടുന്നത്) ക്രിസ്തുവിലുള്ള വിശ്വാസത്തെ അല്ല, അദ്ദേഹത്തിൻ്റെ നന്മ പ്രവർത്തികളെ ആശ്രയിച്ചിരിക്കുന്നു. ഈ പ്രമാണം അനുസരിച്ച് പഴയ നിയമ വിശ്വാസി കളുടെ രക്ഷ ക്രിസ്തു കുരിശിൽ നിർവ്വഹിച്ച പ്രവർത്തികളെ ആശ്രയിക്കുന്നില്ല. ഈ പഠി പ്പിക്കലുകൾ യേശു ക്രിസ്തുവിൻ്റെ കുരിശിലെ പ്രവർത്തനങ്ങളുടെ മഹത്വം താഴ്തി കെട്ടു ന്നു. യേശു A.D.1 നു ശേഷം ജനിച്ചവർക്ക് മാത്രം രക്ഷകനാകുന്നു. ടിപിഎം പഠിപ്പിക്കലു കൾ അനുസരിച്ച്, സ്നാപക യോഹന്നാന് മുൻപ് ജനച്ചവർക്കൊന്നും യേശുവിൻ്റെ അസ്തി ത്വം ബാധകമല്ല. എന്നാൽ, അവർ മശിഹായെ കാണുവാൻ അതിയായി ആഗ്രഹിച്ചിരുന്നു വെന്നു തിരുവചനം നമ്മെ പഠിപ്പിക്കുന്നു. (മത്തായി 13:17).

നമ്മുക്ക് അബ്രഹാമിനെ പറ്റി ചിന്തിക്കാം

ഏത് കാലയളവിൽ ജീവിക്കുന്നവർക്കും ദൈവ കോപത്തിൽ നിന്നും രക്ഷപ്പെടാനുള്ള ഒരേയൊരു മാർഗ്ഗം യേശു മാത്രമാണെന്ന് ഞാൻ വേദപുസ്കകത്തിൽ നിന്നും തെളിയിച്ചു തരാം. വീണ്ടും വായിക്കുക. “ന്യായവിധി ദിവസത്തിൽ” അബ്രഹാം തൻ്റെ നന്മ പ്രവർത്തി കൾ കൊണ്ടോ ദൈവത്തോടുകൂടെ നടന്നതുകൊണ്ടോ ഒന്നും രക്ഷ പ്രാപിക്കുകയില്ല. ന മ്മളെ പോലെ അദ്ദേഹവും മശിഹയായ യേശു ക്രിസ്തുവിൽ വിശ്വസിച്ചതുകൊണ്ടു രക്ഷ പ്രാപിച്ചുവെന്ന് ബൈബിൾ വ്യക്തമായി പഠിപ്പിക്കുന്നു. റോമർ 4 – ൽ പൗലോസ് ഇത് വ്യ ക്തമാക്കുന്നു.

റോമർ 4:1-3 : എന്നാൽ നമ്മുടെ പൂർവ്വപിതാവായ അബ്രഹാം ജഡപ്രകാരം എന്ത് പ്രാപിച്ചു എന്നു പറയേണ്ടു? അബ്രഹാം പ്രവൃത്തിയാൽ നീതീകരിക്കപ്പെട്ടു എങ്കിൽ അവന്നു പ്രശംസിപ്പാൻ സംഗതി ഉണ്ട്; ദൈവസന്നിധിയിൽ ഇല്ലതാനും, തിരുവെഴുത്ത്‌ എന്ത് പറയുന്നു? “അബ്രഹാം ദൈവത്തെ വിശ്വസിച്ചു; അതു അവന് നീതിയായി കണക്കിട്ടു” എന്നു തന്നേ.

“അബ്രഹാം ദൈവത്തിൽ വിശ്വസിച്ചു” എന്ന് പൗലോസ് പറഞ്ഞതിൻ്റെ അർഥം അബ്ര ഹാം ദൈവം നല്കിയ യേശു ക്രിസ്തുവിൻ്റെ സുവിശേഷത്തിൽ വിശ്വസിച്ചു എന്നാകുന്നു.

ഗലാത്യർ  3:8 : എന്നാൽ ദൈവം വിശ്വാസംമൂലം ജാതികളെ നീതീകരിക്കുന്നു എന്ന തിരു വെഴുത്ത്‌ മുൻകണ്ടിട്ട്: “നിന്നിൽ സകലജാതികളും അനുഗ്രഹിക്കപ്പെടും” എന്നുള്ള സു വിശേഷം അബ്രാഹാമിനോടു മുമ്പുകൂട്ടി അറിയിച്ചു.

ഇപ്പോഴും നിങ്ങൾ തർക്കിക്കുകയാണോ?  എങ്കിൽ യേശു ക്രിസ്തുവിൻ്റെ തന്നെ സാക്ഷ്യം കേൾക്കു.

യോഹന്നാൻ 8:56 : നിങ്ങളുടെ പിതാവായ അബ്രാഹാം എൻ്റെ ദിവസം കാണും എന്നുള്ള തുകൊണ്ട് ഉല്ലസിച്ചു; അവൻ കണ്ട് സന്തോഷിച്ചുമിരിക്കുന്നു”. 

അബ്രഹാം യേശുവിൽ വിശ്വസിച്ചതുകൊണ്ട് രക്ഷിക്കപ്പെട്ടുവെന്ന് യേശു പരീശന്മാരോട് പറഞ്ഞപ്പോൾ നമ്മുടെ ഇടയിൽ ഇപ്പോൾ ജനങ്ങൾ ചിന്തിക്കുന്നതുപോലെ പരീശന്മാരും ചിന്തിച്ചു. “യേശു അബ്രഹാമിന് ശേഷം 1000 വർഷങ്ങൾ കഴിഞ്ഞാണ് ക്രൂശിക്കപ്പെട്ടത്, അപ്പോൾ അബ്രഹാമിന് എങ്ങനെ സുവിശേഷം വിശ്വസിക്കാൻ പറ്റും? നമ്മളും ഇത് ത ന്നെയാണ് ചിന്തിക്കുന്നതും അതിശയിക്കുന്നതും. യേശു പറഞ്ഞു, “എൻ്റെ ഭാഷണം നിങ്ങ ൾ ഗ്രഹിക്കാത്തത് എന്ത്?” (യോഹന്നാൻ 8:43) അബ്രാഹാം ജനിച്ചതിനു മുമ്പേ ഞാൻ ഉണ്ട്”  (യോഹന്നാൻ 8:58) യേശു അബ്രഹാമിൻ്റെ വിശ്വാസത്താലുള്ള രക്ഷയെ സാക്ഷീകരിക്കു ന്നു (പൗലോസ്, റോമർ 4 ലും ഗലാത്യർ 3:28 ലും പറയുന്നു) അബ്രഹാം ക്രിസ്തുവിലുള്ള വി ശ്വാസം മൂലം രക്ഷ പ്രാപിച്ചു എന്നതിനെ പറ്റി യേശുവും പരീശന്മാരും തമ്മിലുള്ള മുഴു വൻ സംഭാഷണവും യോഹന്നാൻ 8 ->0 അധ്യായത്തിൽ കാണാം.

യെഹൂദന്മാർ അവനോട്: നിനട് അമ്പത് വയസ്സ് ആയിട്ടില്ല; നീ അബ്രാഹാമിനെ കണ്ടിട്ടു ണ്ടോ എന്നു ചോദിച്ചു. യേശു അവരോട്: “ആമേൻ, ആമേൻ, ഞാൻ നിങ്ങളോടു പറയുന്നു: അബ്രഹാം ജനിച്ചതിനു മുമ്പേ ഞാൻ ഉണ്ട്” എന്നു പറഞ്ഞു (യോഹന്നാൻ 8:56-58).

അബ്രഹാമിൻ്റെ രക്ഷ യേശുവിലുള്ള വിശ്വാസത്താൽ ആയിരുന്നുവെന്ന് തിരുവചനം വ്യക്തമായി കാണിക്കുന്നു. എന്നിട്ടും ടിപിഎം എബ്രഹാം തൻ്റെ നന്മ പ്രവർത്തികളാൽ രക്ഷ പ്രാപിക്കുന്നുവെന്നും ദൈവം അബ്രഹാമിനെ മനസ്സാക്ഷി അനുസരിച്ച് ന്യായം വിധിക്കുമെന്നും പഠിപ്പിക്കുന്നു. യേശുവിലുള്ള വിശ്വാസത്തിനു ശേഷവും അബ്രഹാം പുതിയ ആകാശത്തിൽ പോകുമെന്ന് പഠിപ്പിക്കുന്നു. ടിപിഎം പാസ്റ്റർമ്മാർക്ക് കിട്ടിയിരി ക്കുന്ന വെളിപ്പാടുകളിലെ ദുരുപദേശം നിങ്ങൾക്ക് കാണാൻ സാധിക്കുന്നില്ലെ? വചനം ഈ മനുഷ്യരുടെ പ്രാമാണ്യം അല്ല. വചനത്തിനു വിപരീതമായി സ്വയ  പ്രശംസ നടത്തുന്ന ഏതോ ആത്മാവ് ചീഫ് പാസ്റ്റർമാരോട് സംസാരിക്കുന്നതാണ് ഇവരുടെ അടിസ്ഥാനം. സുവിശേഷം പഴയനിയമ ജനങ്ങളോട് സുവിശേഷിച്ചിരുന്നുവെന്നു നിങ്ങൾക്ക് ഇനിയും ബോധ്യമായിട്ടില്ലിയോ? എബ്രായർക്ക്  എഴുതിയ ലേഖനം വായിക്കുക?  അവിടെ ഗ്രന്ഥ കാരൻ, നമ്മളെ അറിയിച്ചതുപോലെ പഴയനിയമ ജനങ്ങളെയും സുവിശേഷം അറിയിച്ച തായി എഴുതിയിരിക്കുന്നു. അവർ യേശുവിനെ മശിഹയായി മുൻപോട്ടു നോക്കിയിരുന്നു, നമ്മളോ യേശുവിനെ രക്ഷകനായി പിൻപോട്ടു നോക്കുന്നതായി ചരിത്രം പഠിപ്പിക്കുന്നു.

അവരെപ്പോലെ നാമും ഒരു സദ്വർത്തമാനം കേട്ടവർ ആകുന്നു …… (എബ്രായർ 4:2).

ഇവിടെ പഴയനിയമ ജനങ്ങളോട് സുവിശേഷം പ്രസംഗിച്ചുവെന്നതിനു വളരെ സ്പഷ്ടമായ 2 തെളിവുകൾ നമ്മൾ കാണുന്നു. ആദ്യത്തേത് ഗലാത്യർ  3:8, അടുത്തത് എബ്രായർ 4:2. ആദ്യത്തേത് അബ്രഹാമിനോട് സുവിശേഷം പ്രസംഗിച്ചു (മോശയുടെ കാലഘട്ടത്തിനു മുൻപ് ജീവിച്ചിരുന്ന ഒരു വ്യക്തി –  മനസ്സാക്ഷി യുഗത്തിൽ ജീവിച്ചിരുന്നയാൾ), പിന്നീട് മരുഭൂമിയിൽ അലഞ്ഞുതിരിഞ്ഞു നടന്ന യിസ്രായേൽ ജനതയോട് സുവിശേഷം അറിയി ച്ചതായും കണ്ടു (നിഷ്‌കന്മഷ യുഗത്തിൽ ജീവിച്ചവർ).

ടിപിഎം എന്ത് പഠിപ്പിക്കുന്നു? അതായത്, ടിപിഎം ചീഫ് പാസ്റ്റർമ്മാർക്ക് കിട്ടിയ വെളിപ്പാ ടുകൾ അനുസരിച്ചുള്ള പഠിപ്പിക്കലുകൾ എന്ത്?

ഒരു പ്രത്യേക യുഗത്തിൽ ദൈവം ചില നിയമങ്ങളും ചട്ടക്കൂടുകളും തൻ്റെ ജനങ്ങൾക്ക് കൊടുത്ത് അതിൻ പ്രകാരം ജനങ്ങളെ വിധിക്കുന്നു (സൺ‌ഡേ സ്കൂൾ സ്റ്റാൻഡേർഡ് 11, അദ്ധ്യായം 8).

അങ്ങനെയുള്ള ചിന്താഗതി അനുസരിച്ച്, അബ്രഹാമും മറ്റു പഴയനിയമ വിശുദ്ധന്മാരും നിത്യതയിൽ മൂന്നാം തട്ടായ പുതിയ ആകാശത്തിലും ഈ വെള്ള തേച്ച ശവക്കല്ലറകൾ നിത്യതയിൽ ഏറ്റവും ഉന്നതവും മഹത്വകരവുമായ സീയോനിലും പോകുമെന്ന് ടിപിഎം നിജപ്പെടുത്തുന്നു. നമ്മളും അബ്രഹാമും തമ്മിൽ യാതൊരു വ്യത്യാസവുമില്ലെന്നു ബൈബിൾ പഠിപ്പിക്കുമ്പോൾ (അദ്ദേഹവും വിശ്വാസത്താൽ രക്ഷ പ്രാപിക്കുന്നുവെന്ന സുവിശേഷം വിശ്വസിച്ചു – പ്രവർത്തിയാലല്ല) ഈ ദുരുപദേശകന്മാർ അബ്രഹാമിനെ നിത്യതയിൽ മൂന്നാം തട്ടിൽ തള്ളിയിട്ടിട്ട് തന്നെത്താൻ ഏറ്റവും ഉയർന്ന സ്ഥലത്ത്‌ പ്രതി ഷ്ഠിച്ചിരിക്കുന്നു. സീയോൻ എന്ന ദുരുപദേശം നേരിട്ട് നരകത്തിൻ്റെ അഗാധ കുഴിയിൽ നിന്നും വന്നതാണെന്ന് മനസ്സിലായല്ലോ. അതുകൊണ്ട് ഞങ്ങൾ യേശുവോ അപ്പൊസ്തല ന്മാരോ പൗലോസ്സോ പ്രസംഗിക്കാത്ത മറ്റൊരു സുവിശേഷത്തിൽ വിശ്വസിക്കുന്ന TPM എന്ന കൾട്ടിൽ  നിന്നും പുറത്തു വരാൻ നിങ്ങളോട് അഭ്യർത്ഥിക്കുന്നു.

ഇയ്യോബിനെ നോക്കാം.

യേശു രക്ഷിതാവ് എന്ന് അറിയാതിരുന്നിട്ടും അങ്ങനെ വിശ്വസിച്ച പഴയനിയമ വിശുദ്ധ ന്മാർ സുവിശേഷം കേട്ടിരുന്നുവെന്നു തെളിയിക്കുന്ന വേറെ ചില വാഖ്യങ്ങൾ പരിശോ ധിക്കാം.  അവർ യേശുവിനെ മശിഹയായി മുൻപോട്ടു നോക്കിയിരുന്നു, നമ്മളോ യേശു വിനെ രക്ഷകനായി പിൻപോട്ടു നോക്കിയതായി ചരിത്രം പഠിപ്പിക്കുന്നു.  ഇയ്യോബിൻ്റെ സാക്ഷ്യം നോക്കാം.

ഇയ്യോബ് 19:25,26.

എന്നെ വീണ്ടെടുക്കുന്നവൻ (വരാൻ പോകുന്ന രക്ഷിതാവ്) ജീവിച്ചിരിക്കുന്നു എ ന്നും അവൻ ഒടുവിൽ (ന്യായവിധി ദിവസം) പൊടിമേൽ നില്‌ക്കുമെന്നും ഞാൻ അറിയുന്നു (ഞാൻ വിശ്വസിക്കുന്നു). എൻ്റെ ത്വക്ക് ഇങ്ങനെ നശിച്ചശേഷം (ഈ പാപ ശരീരം മരിച്ചതിനു ശേഷം) ഞാൻ ദേഹരഹിതനായി (അനശ്വരമായ മഹത്വ ശരീരം) ദൈവത്തെ കാണും.

ഇയ്യോബിൻ്റെ പ്രത്യാശയും വിശ്വാസവും ശ്രദ്ധിക്കുക. എൻ്റെ വീണ്ടെടുപ്പുകാരനും രക്ഷി താവും ജീവിക്കുന്നുവെന്നും ഞാൻ മരിച്ച് എൻ്റെ ശരീരം പൊടിയായി തീർന്നാലും നിത്യ തയിൽ ഞാൻ എൻ്റെ ദൈവത്തെ കാണുമെന്നും ഇയ്യോബ് പറയുന്നു. എന്തൊരു അത്ഭുത കരമായ വിശ്വാസം. ഇയ്യോബിൻ്റെ വിശ്വാസം, വീണ്ടെടുപ്പുകാരൻ = രക്ഷിതാവ് = യേശു എന്നതിൽ ഇപ്പോഴും നിങ്ങൾക്ക് സംശയം തോന്നുന്നുണ്ടോ?

വേറൊരു സാഹചര്യത്തിൽ ഇയ്യോബ് യേശുവിനെ മദ്ധ്യസ്ഥനായി (1 തീമോ 2:5) അന്വേ ഷിച്ചു അപേക്ഷിക്കുന്നു, … ഇപ്പോഴും എൻ്റെ സാക്ഷി സ്വർഗ്ഗത്തിലും എൻ്റെ ജാമ്യക്കാരൻ ഉയരത്തിലും ഇരിക്കുന്നു…. എൻ്റെ കണ്ണോ ദൈവത്തിങ്കലേക്കു കണ്ണുനീർ പൊഴിക്കുന്നു…. അവൻ മനുഷ്യനു വേണ്ടി ദൈവത്തോടും ന്യായവാദം കഴിക്കും (ഇയ്യോബ് 16:19-21).

എലീഹൂ പറഞ്ഞ മറുപടി ശ്രദ്ധിക്കുക, ഇയ്യോബ് 33:23-25,ആയിരത്തിൽ ഒരുത്തനായി  (ഉത്തമഗീതം 5:10 നോക്കുക) മദ്ധ്യസ്ഥനായോരു ദൂതൻ അവന്നുവേണ്ടി ഉണ്ടെന്നു വരികിൽ (I തീമോ 2:5 ലെ പോലെ മദ്ധ്യസ്ഥൻ) …. അവൻ അവങ്കൽ കൃപ വിചാരി ച്ചു: കുഴിയിൽ ഇറങ്ങാതവണ്ണം ഇവനെ രക്ഷിക്കേണമേ; ഞാൻ ഒരു മറുവില ക ണ്ടിരിക്കുന്നു എന്നു പറയും (യേശു മറുവില, മത്തായി 20:28).  അപ്പോൾ അവൻ്റെ ദേഹം യൌവനചൈതന്യത്താൽ  പുഷ്ടിവയ്‌ക്കും (വീണ്ടും ജനനം  – യോഹന്നാൻ 3:5)  അവൻ ബാല്യപ്രായത്തിലേക്കു തിരിഞ്ഞുവരും (ആദ്യ പാപത്താൽ ഏദൻ തോ ട്ടത്തിൽ നഷ്ട്ടപ്പെട്ട ബാല്യപ്രായം).

പഴയനിയമത്തിലെ സുവിശേഷം ഇപ്പോൾ നിങ്ങൾക്ക് മനസ്സിലാകുന്നുണ്ടോ? എലീഹൂ പരിശുദ്ധാത്മാവിനാൽ പറഞ്ഞത് കണ്ടോ?  അവൻ്റെ ദേഹം യൌവനചൈതന്യത്താൽ പുഷ്ടിവയ്‌ക്കും. ഇത് “ആമേൻ, ആമേൻ, ഞാൻ നിന്നോടു പറയുന്നു; പുതുതായി ജനിച്ചില്ല എങ്കിൽ ദൈവരാജ്യം കാണ്മാൻ ആർക്കും കഴികയില്ല” എന്ന വാഖ്യവുമായി ഒത്തുചേ രുന്നില്ലേ?

മോശയെ നോക്കാം

മോശയെ പറ്റി എന്ത് പറയുന്നു? പഴയനിയമ വിശുദ്ധന്മാർ എങ്ങനെ രക്ഷ പ്രാപിച്ചു? യേശു ഒഴികെ – അങ്ങനെ ടിപിഎം പഠിപ്പിക്കുന്നു, ആരും ഇല്ല. അവർ എല്ലാവരും യേശുവിൽ വിശ്വസിച്ചു. രക്ഷയ്ക്കായി ഏത് കാലഘട്ടത്തിലും യേശു ഒഴികെ വേറൊരു നാമവും ഇല്ല. പിന്നെ അവർ എങ്ങനെ മൂന്നാം തട്ടായ പുതിയ ആകാശത്തിൽ അകപ്പെട്ടു? അത് ഈ ടിപിഎം വിശുദ്ധന്മാർക്കു മാത്രം കിട്ടിയ വെളിപ്പാട് മൂലമാകുന്നു. സഹോദര സഹോദരി മാരെ എബ്രായർ 11 വായിക്കുക. നമ്മുക്ക് ചുറ്റുമുള്ള സാക്ഷ്യ സമൂഹങ്ങളെ കാണാൻ ദൈവം നിങ്ങളുടെ കണ്ണുകൾ തുറക്കട്ടെ. വിശ്വാസത്താൽ രക്ഷിക്കപ്പെട്ട ഒരു വലിയ സാക്ഷികളുടെ നീണ്ട പട്ടിക അവിടെ കാണാം. ഉദാഹരണമായി, മോശയെ പറ്റി എന്ത് പറയുന്നുവെന്ന് നോക്കാം. “മിസ്രയീമിലെ നിക്ഷേപങ്ങളെക്കാൾ ക്രിസ്തുവിൻ്റെ നിന്ദ വലി യ ധനം എന്നു എണ്ണുകയും ചെയ്തു“. നമ്മൾ യേശുവിനെ പുറകിലോട്ട് ചരിത്രത്തിൽ നോ ക്കുന്നതുപോലെ മോശ യേശുവിനെ രക്ഷകനായി മുൻ കണ്ടുവെന്ന് ഇപ്പോഴും നിങ്ങൾ വിശ്വസിക്കുന്നില്ലിയോ? മരുഭൂമിയിലെ ജനങ്ങൾക്ക് മോശയുടെ വായിൽ കൂടി ദൈവം ഉപദേശിച്ച സുവിശേഷം ശ്രദ്ധിക്കുക.

ആവർത്തനം 18:18-19, “നിന്നെപ്പോലെ ഒരു പ്രവാചകനെ ഞാൻ അവർക്കു അവ രുടെ സഹോദരന്മാരുടെ ഇടയിൽനിന്നു എഴുന്നേല്പിച്ച് എൻ്റെ വചനങ്ങളെ അവ ൻ്റെ നാവിന്മേൽ ആക്കും; ഞാൻ അവനോടു കല്പിക്കുന്നതൊക്കെയും അവൻ അവരോട് പറയും. അവൻ എൻ്റെ നാമത്തിൽ പറയുന്ന എൻ്റെ വചനങ്ങൾ യാതൊരുത്തെനങ്കിലും കേൾക്കാതിരുന്നാൽ അവനോട് ഞാൻ ചോദിക്കും”. 

TPM ജനങ്ങൾ  പുതിയ യെരുശലേമിലും സീയോനിലും പോകുമെന്നും മോശ തരംതാണ ഇടമായ പുതിയ ആകാശത്തിലും പോകുമെന്നും ഇപ്പോഴും നിങ്ങൾ ചിന്തിക്കുന്നുണ്ടോ?പഴയനിയമ വിശുദ്ധന്മാരെ പറ്റി വചനം എന്ത് പറയുന്നുവെന്ന് നോക്കാം – യേശുവിൻ്റെ നാമത്തിൽ രക്ഷയുടെ സാക്ഷ്യത്തിനായി എങ്ങനെ നിലനിന്നുവെന്ന് നോക്കാം.

അപ്പൊ.പ്രവ. 10:43, “അവനിൽ വിശ്വസിക്കുന്ന ഏവന്നും അവൻ്റെ നാമംമൂലം പാപമോചനം ലഭിക്കും എന്നു സകല പ്രവാചകന്മാരും സാക്ഷ്യം പറയുന്നു“.

പഴയനിയമ വിശ്വാസികൾ ക്രിസ്തുവിലും സുവിശേഷത്തിലും വിശ്വസിച്ചുവെന്ന് തെളി യിക്കാനായി ഞാൻ ഒന്നിനു പുറകെ  ഒന്നായി ധാരാളം വേദവാഖ്യങ്ങൾ തരാം. എന്നാൽ ഏറ്റവും പ്രാധാന്യം യേശുവിൻ്റെ സാക്ഷ്യം ആകുന്നു. പഴയനിയമത്തിൽ നിന്നും തന്നെ കുറിച്ച് എഴുതിയിരിക്കുന്നത് യേശു ശിഷ്യന്മാരെ കാണിച്ചപ്പോൾ അവരുടെ ഹൃദയം എത്രമാത്രം കത്തിക്കൊണ്ടിരുന്നുവെന്ന്   മനസ്സിലാക്കുക.

ലൂക്കോസ്  24:27, “മോശെ തുടങ്ങി സകലപ്രവാചകന്മാരിൽനിന്നും എല്ലാതിരു വെഴുത്തുകളിലും തന്നെക്കുറിച്ചുള്ളതു അവർക്കു വ്യാഖ്യാനിച്ചുകൊടുത്തു“. (ലൂക്കോസ്  24:32) അവൻ വഴിയിൽ നമ്മോടു സംസാരിച്ചു തിരുവെഴുത്തുകളെ തെളിയിക്കുമ്പോൾ നമ്മുടെ ഹൃദയം നമ്മുടെ ഉള്ളിൽ കത്തിക്കൊണ്ടിരുന്നില്ല യോ എന്നു അവർ തമ്മിൽ പറഞ്ഞു.

ഉപസംഹാരം

പ്രിയ സഹോദരങ്ങളെ, ഈ ടിപിഎം വ്യാജ സുവിശേഷവും വേറൊരു സുവിശേഷവും പഠിപ്പിക്കുന്നു – പ്രവൃത്തിയിൽകൂടിയുള്ള രക്ഷയുടെ സുവിശേഷം. അവരുടെ പഠിപ്പി ക്കലുകളാൽ വഞ്ചിക്കപ്പെടരുതേ! അവരുടെ കാപട്യം നിറഞ്ഞ വിശുദ്ധിയിൽ വിശ്വസി ക്കരുതേ! അവരുടെ പ്രാർത്ഥനയിൽ ആശ്രയിക്കരുതേ! ഇവർ വഞ്ചകരാകുന്നു. നിങ്ങളു ടെ കഠിന പ്രയത്‌നത്തിൽ കൂടെ സ്വരൂപിച്ച പണം ഇവർക്ക് കൊടുക്കരുത്. ദശാംശത്തി ൻ്റെ പേരിൽ ദുരുപദേശം പ്രചരിപ്പിക്കുന്നതിനായി ഇവർക്ക് പണം കൊടുക്കരുത്. ഈ അകൃത്യത്തിൻ്റെ വേലക്കാർ ദൈവ സാമ്രാജ്യം പണിയുന്നില്ല. ഇവർ ഇവരുടെ സ്വന്തം ടിപിഎം സാമ്രാജ്യം വിസ്താരമാക്കുന്നു. ഏത് പേരിലും സ്വന്തം സംഘടന വളർത്തുന്ന എല്ലാവരും നിർലജ്ജരാകുന്നു –  അത് ടിപിഎം ആയാലും മറ്റെന്തായാലും. സ്വന്തം സമു ദായമോ സംഘടനയോ സഭയോ വളർത്താൻ ശ്രമിക്കാതെ യേശു ക്രിസ്തുവിൻ്റെ പേരും മഹത്വവും വർദ്ധിപ്പിക്കുക.

ദൈവം നിങ്ങളെ അനുഗ്രഹിക്കട്ടെ.