രണ്ടാം തവണ തിരഞ്ഞെടുപ്പിൽ മോദി വിജയിച്ചപ്പോൾ ഞങ്ങൾ പ്രസിദ്ധീകരിച്ച ഒരു ലേഖനം ഓർക്കുന്നുണ്ടോ? ഒരു മലയാളി ക്രിസ്ത്യൻ പാസ്റ്റർ ശ്രോതാക്കളോട് ഉത്തർപ്രദേശ് സംസ്ഥാനത്തിനായി പ്രാർത്ഥിക്കാൻ ആവശ്യപ്പെടുന്ന ഒരു വാട്ട്‌സ്ആപ്പ് സന്ദേശം അടുത്തിടെ എനിക്ക് ലഭിച്ചു. അതിൽ പോലീസ് ഉദ്യോഗസ്ഥന്മാർ പാസ്റ്റർമാരെ വളഞ്ഞ് അറസ്റ്റ് ചെയ്യുന്നുവെന്ന് അദ്ദേഹം പരാതിപ്പെടുന്നു. സന്ദേശത്തിനൊപ്പം സൈനി കർ കശ്മീരിലെ തീവ്രവാദികളെ വലിച്ചിഴച്ചതിൻ്റെ ചിത്രങ്ങളും ഒരു സ്ത്രീയുടെ വെടി യുണ്ട ഏറ്റ ശരീരവും കൊടുത്തിട്ടുണ്ട്. ഇവക്ക് ഉത്തർപ്രദേശുമായി യാതൊരു ബന്ധവുമി ല്ലെന്ന് വിശ്വസിക്കാൻ എനിക്ക് പല കാരണങ്ങളുണ്ട്. വിശ്വാസികളെ കരയിപ്പിക്കാനും അവർക്ക് സംഭാവന നൽകാനും അവർ ഇത്തരം മനസ്സാക്ഷിയില്ലാത്ത മാർഗങ്ങൾ ഉപ യോഗിക്കുന്നു. ആത്മാർത്ഥരായ വിശ്വാസികൾ ഭരണകൂടത്തിൻ്റെ മാറ്റത്തിനായി പ്രാർ ത്ഥിക്കുമെന്ന് എനിക്ക് ഉറപ്പുണ്ട്. എന്നാൽ അതിനെക്കുറിച്ച് ചിന്തിക്കാൻ വരട്ടെ. നിങ്ങ ൾക്ക് പൂർണമായും ബിജെപി സർക്കാരിൻ്റെ മേൽ കുറ്റം ചുമത്താൻ കഴിയില്ല. ഇതെല്ലാം ക്രിസ്തുമതത്തിൽ ക്രിസ്തുവിൻ്റെ മേൽ കരിതേക്കുന്ന ഘടകങ്ങളാണ്. ഈ കരിതേക്കുന്ന ഘടകങ്ങളെ ശുദ്ധീകരിക്കുന്ന സാഹചര്യങ്ങൾ യേശു കൊണ്ടുവരും.
ഇതുപോലുള്ള പാസ്റ്റർമാർക്ക് ഉത്തർപ്രദേശിലെ ആത്മാക്കളെക്കുറിച്ച് യാതൊരു ഭാര വുമില്ല. എന്നാൽ സംസ്ഥാനത്തെ അവരുടെ ബിസിനസ്സ് സ്ഥാപനങ്ങൾ അടച്ചുപൂട്ടുന്നു എന്നതാണ് അവരുടെ ആശങ്ക. ടിപിഎം ഉൾപ്പെടെയുള്ള ക്രിസ്ത്യൻ ബിസിനസ്സ് സ്ഥാപ നങ്ങൾ പ്രയോഗിക്കുന്ന തെറ്റായ സഭാ മാതൃക വിശദീകരിക്കാൻ ഞാൻ ആഗ്രഹിക്കുന്നു. ഇന്ത്യയിലെ പല കാര്യങ്ങളും നേരെയാക്കാൻ യേശു മോദി സർക്കാരിനെ ഉപയോഗിക്കു ന്നുവെന്ന് ഞാൻ ശക്തമായി വിശ്വസിക്കുന്നു.
യേശുക്രിസ്തുവിൻ്റെ സഭയും ഈ ദിവസങ്ങളിൽ വളർന്നു വരുന്ന സഭാ പ്രസ്ഥാനങ്ങളും തമ്മിലുള്ള വ്യത്യാസം കാണിക്കാൻ ഈ അവസരം ഞാൻ ആഗ്രഹിക്കുന്നു.
ആദ്യകാല സഭ എങ്ങനെ രൂപകൽപ്പന ചെയ്യപ്പെട്ടു
സഭ എങ്ങനെ രൂപകൽപ്പന ചെയ്യപ്പെട്ടു എന്നതിനെക്കുറിച്ചുള്ള ഉൾക്കാഴ്ച ലഭിക്കാൻ ബൈബിൾ നമ്മുടെ പക്കലുണ്ട്. ഒരു പ്രാദേശിക സഭ, ശിഷ്യന്മാരുടെ ഒരു സമൂഹമാണ്. സുവിശേഷം പ്രസംഗിച്ചതിൻ്റെ ഫലമായി ഒരു സ്ഥലത്ത് ശിഷ്യന്മാർ നിലവിൽ വരുന്നു. സഭയുടെ വിത്ത്‌ വിതയ്ക്കുന്നത് സുവിശേഷം പ്രസംഗിച്ചാണ്.
മത്തായി 28:18-20, “യേശു അടുത്തുചെന്നു: “സ്വർഗ്ഗത്തിലും ഭൂമിയിലും സകല അധികാ രവും എനിക്ക് നല്കപ്പെട്ടിരിക്കുന്നു. ആകയാൽ നിങ്ങൾ പുറപ്പെട്ട്, പിതാവിൻ്റെയും പുത്ര ൻ്റെയും പരിശുദ്ധാത്മാവിൻ്റെയും നാമത്തിൽ സ്നാനം കഴിപ്പിച്ചും ഞാൻ നിങ്ങളോടു കല്പി ച്ചതു ഒക്കെയും പ്രമാണിപ്പാൻ തക്കവണ്ണം ഉപദേശിച്ചുംകൊണ്ട് സകലജാതികളെയും ശിഷ്യരാക്കിക്കൊൾവിൻ; ഞാനോ ലോകാവസാനത്തോളം എല്ലാനാളും നിങ്ങളോടു കൂടെ ഉണ്ട്” എന്നു അരുളിച്ചെയ്തു.”
തുടക്കത്തിൽ, പരിശുദ്ധാത്മാവിൻ്റെ മാർഗനിർദേശപ്രകാരം ജീവിതം തുടരാനും ശിഷ്യ ന്മാരെ ശരിയായ പാതയിൽ നിർത്താനുമായി അപ്പൊസ്തലന്മാരും സുവിശേഷകന്മാരും ഏതാനും മാസങ്ങളോ വർഷങ്ങളോ സമൂഹവുമായി തുടരും. അവരിൽ ഒരാളെ അദ്ധ്യ ക്ഷനായും മറ്റ് മുതിർന്നവരെ മൂപ്പന്മാരായും നിയമിക്കുന്നു.
അപ്പൊ.പ്രവ. 18:11, “അങ്ങനെ അവൻ ഒരാണ്ടും ആറുമാസവും അവരുടെ ഇടയിൽ ദൈവ വചനം ഉപദേശിച്ചുകൊണ്ട് താമസിച്ചു.”
തീത്തൊസ് 1:5, “ഞാൻ ക്രേത്തയിൽ നിന്നെ വിട്ടേച്ചുപോന്നത്: ശേഷിച്ച കാര്യങ്ങളെ ക്രമ ത്തിലാക്കേണ്ടതിനും ഞാൻ നിന്നോട് ആജ്ഞാപിച്ചതുപോലെ പട്ടണംതോറും മൂപ്പന്മാരെ ആക്കി വെക്കേണ്ടതിനും തന്നേ.”
അസംബ്ലിയിൽ ഒരു അദ്ധ്യക്ഷനും മൂപ്പനും ഉണ്ടെങ്കിലും, അവരെ ഓരോരുത്തരെയും പ്രാഥമികമായി പഠിപ്പിക്കുന്നത് പരിശുദ്ധാത്മാവാണ്.
ഓർഡിനേഷൻ കിട്ടിയ മൂപ്പൻ ഒരേ സമുദായത്തിൽ നിന്നുള്ളയാളാണെന്നും ആ പട്ടണ ത്തിലെ താമസക്കാരനാണെന്നും പ്രത്യേകം പറയേണ്ടതില്ല. അദ്ദേഹം പോൾ കോർപ്പറേ ഷൻ ചർച്ചിൻ്റെ നിയമനമല്ല. ഒരു സഹോദരിയുമായി ഒരു ബന്ധം ആരംഭിക്കുമോ എന്ന ഭയത്താൽ ആറുമാസത്തിലൊരിക്കൽ പൗലോസ് അയാളെ സ്ഥലമാറ്റം ചെയ്യുന്നില്ല. ചുരുക്കത്തിൽ, നല്ല കുടുംബജീവിതവുമായി അദ്ദേഹത്തെ ആ സ്ഥലത്ത് പാർപ്പിക്കണം. നിയമിക്കേണ്ട ഒരു മൂപ്പനിൽ കാണേണ്ട അടിസ്ഥാന യോഗ്യതകളെക്കുറിച്ച് പൗലോസ് വിവരിക്കുന്നു. താഴെ കൊടുത്തിരിക്കുന്ന ആദ്യ വാക്യം ശ്രദ്ധിക്കുക. ഒരു അദ്ധ്യക്ഷൻ്റെ ജോലി ഒരു സ്ഥാനമല്ല, മറിച്ച് ഒരു കര്‍ത്തവ്യം ആണ്. ഇത് അലവൻസുകളില്ലാത്ത ഉത്ത രവാദിത്തം ആണ്.
1 തിമൊഥെയൊസ് 3:1-7, “ഒരുവൻ അദ്ധ്യക്ഷസ്ഥാനം കാംക്ഷിക്കുന്നു എങ്കിൽ നല്ലവേല ആഗ്രഹിക്കുന്നു എന്നുള്ളത് വിശ്വാസയോഗ്യം ആകുന്നു. എന്നാൽ അദ്ധ്യക്ഷൻ നിരപവാ ദ്യനായി ഏകഭാര്യയുടെ ഭർത്താവും നിർമ്മദനും ജിതേന്ദ്രിയനും സുശീലനും അതിഥിപ്രി യനും ഉപദേശിപ്പാൻ സമർത്ഥനും ആയിരിക്കേണം. മദ്യപ്രിയനും തല്ലുകാരനും അരുത്; ശാന്തനും കലഹിക്കാത്തവനും ദ്രവ്യാഗ്രഹമില്ലാത്തവനും സ്വന്തകുടുംബത്തെ നന്നായി ഭരിക്കുന്നവനും മക്കളെ പൂർണ്ണഗൌരവത്തോടെ അനുസരണത്തിൽ പാലിക്കുന്നവനും ആയിരിക്കേണം. സ്വന്തകുടുംബത്തെ ഭരിപ്പാൻ അറിയാത്തവൻ ദൈവസഭയെ എങ്ങനെ പരിപാലിക്കും? നിഗളിച്ചിട്ടു പിശാചിനു വന്ന ശിക്ഷാവിധിയിൽ അകപ്പെടാതിരിപ്പാൻ പുതിയ ശിഷ്യനും അരുത്. നിന്ദയിലും പിശാചിൻ്റെ കണിയിലും കുടുങ്ങാതിരിപ്പാൻ പുറ മെയുള്ളവരോട് നല്ല സാക്ഷ്യം പ്രാപിച്ചവനും ആയിരിക്കേണം.”
അപ്പൊസ്തലിക സഭകളുടെ വളർച്ചാ രീതി
ഒരു ലോക്കൽ സഭയിലെ അംഗങ്ങളുടെ എണ്ണം വർദ്ധിക്കുമ്പോൾ, കോർപ്പറേറ്റ് BUSINESS സ്ഥാപനങ്ങളിലെന്നപോലെ അദ്ധ്യക്ഷന്മാരുടെ എണ്ണവും വളരാൻ തുടങ്ങുന്നുവെന്ന് കരുതരുത്. അദ്ദേഹം സ്വന്തം കീഴിൽ നിരവധി ലോക്കൽ അദ്ധ്യക്ഷന്മാരുള്ള ഒരു സെൻ റ്റെർ അദ്ധ്യക്ഷൻ ആകില്ല. അവർ വളരെ സ്ഥലങ്ങൾ വാങ്ങുന്നില്ല, ഓഡിറ്റോറിയങ്ങൾ നിർമ്മിക്കുകയും സഭ എന്ന് പേരിടുകയും ചെയ്യുന്നില്ല. ഒരു കൂട്ടായ്മ ഒരു കുടുംബ സംഗ മത്തിൽ നിന്ന് വ്യത്യസ്തമല്ല. ഓരോ അംഗത്തെയും ബന്ധിപ്പിക്കുന്ന കണ്ണി സ്നേഹം ആണ്. അവരുടെ ഉള്ളിൽ ശ്രേഷ്ഠതയോ അപകർഷതയോ ഇല്ല. മൂത്തവൻ ഇളയവനെ സേവിക്കുന്നു.
അപ്പൊ. പ്രവൃത്തികൾ 2-ൽ, ശിഷ്യന്മാരുടെ എണ്ണം വളരെയധികം വർദ്ധിച്ചു എന്ന് നാം കാണുന്നു. അന്ന് മുവായിരത്തോളം പേർ അവരോടു ചേർന്നു. വളർച്ച വളരെ അസാധാര ണമായിരുന്നു, ഓരോ ദിവസവും ശിഷ്യന്മാരുടെ എണ്ണം കുതിച്ചുയർന്നു. ഇന്നത്തെ അവ സ്ഥയനുസരിച്ച്, അവർ ഒരു മാസത്തിനുള്ളിൽ ഒരു ഇരുമ്പിലിയൂർ മാതിരിയുള്ള സൗക ര്യത്തിൽ ഒത്തുകൂടണം. എന്നാൽ അത്തരത്തിലുള്ള ഒന്നും നമ്മൾ കാണുന്നില്ല. മറിച്ച്, അവർ കർത്തൃമേശക്കായി വീടുകളിൽ ഒത്തുകൂടി.
അപ്പൊ. പ്രവൃ. 2:46, “…………..വീട്ടിൽ അപ്പം നുറുക്കിക്കൊണ്ടു ഉല്ലാസവും ഹൃദയ പരമാർ ത്ഥതയും പൂണ്ടു ഭക്ഷണം കഴിക്കയും ദൈവത്തെ സ്തുതിക്കയും സകല ജനത്തിൻ്റെയും കൃപ അനുഭവിക്കയും ചെയ്തു.”
ആ ദിവസങ്ങളിലെ വീടുകൾ ഇപ്പോൾ ഉള്ളതിനേക്കാൾ വലുതായിരുന്നില്ല. അതിനാൽ അവർ ചെറിയ സഭകളായി പിരിഞ്ഞ് വിവിധ വീടുകളിൽ ഒത്തുകൂടി എന്ന് ചിന്തിക്കു ന്നത് സ്വാഭാവികമാണ് (റോമർ 16:5).
ലോക്കൽ സഭകളിലെ ബന്ധങ്ങളുടെ സ്വഭാവം – ആദ്യകാല ക്രിസ്തുമതം
നേരത്തെ സൂചിപ്പിച്ചതുപോലെ, അദ്ധ്യക്ഷൻ പ്രാഥമിക സേവകനാണ്. അദ്ദേഹം ആരാ ധന നയിക്കുന്നു. ഇത് പാസ്റ്റർ, ആരാധന സേവനത്തിലെ പ്രഭാഷണങ്ങൾക്കും പ്രവൃത്തി കൾക്കും നഷ്ടപരിഹാരമായി പണം ലഭിക്കുന്ന ഒരു പ്രൊഫഷണലായി കാണപ്പെടുന്ന ഇന്നത്തെ രീതിക്ക് വളരെ വിരുദ്ധമാണ്. കൂട്ടായ്മയിലുള്ള എല്ലാവരും തങ്ങൾക്ക് ലഭിക്കു ന്നതെന്തും സംഭാവന നൽകുന്നു. അദ്ധ്യക്ഷൻ ബാക്കിയുള്ള അംഗങ്ങളെ മറികടക്കുന്ന എല്ലാറ്റിനും ഉപരിയായ ഒരു വ്യക്തിയല്ല. അംഗങ്ങളും വെറും കാഴ്ചക്കാരായി കൂട്ടായ്മയിൽ ഇരിക്കുന്നില്ല. അവർ ഓരോരുത്തർക്കും പരിശുദ്ധാത്മാവിൽ ലഭിച്ച കൃപയുണ്ട്, ഒപ്പം അവരുടെ കൃപ അഭിഷേകം അനുസരിച്ചു ഉപയോഗിക്കുന്നു. ഓരോരുത്തരും കഷ്ടപ്പാ ടുകൾ സഹിക്കയും, മറ്റുള്ളവരുടെ കൃപകളിൽ സന്തോഷിക്കയും ചെയ്യുന്നു.
1 കൊരിന്ത്യർ 12:26, “അതിനാൽ ഒരുഅവയവം കഷ്ടം അനുഭവിക്കുന്നു എങ്കിൽ അവയ വങ്ങൾ ഒക്കെയും കൂടെ കഷ്ടം അനുഭവിക്കുന്നു; ഒരു അവയവത്തിനു മാനം വന്നാൽ അവയവങ്ങൾ ഒക്കെയുംകൂടെ സന്തോഷിക്കുന്നു.”
1 കൊരിന്ത്യർ 14:26, “ആകയാൽ എന്ത്? സഹോദരന്മാരേ, നിങ്ങൾ കൂടിവരുമ്പോൾ ഓരോ രുത്തനു സങ്കീർത്തനം ഉണ്ട്, ഉപദേശം ഉണ്ട്, വെളിപ്പാടു ഉണ്ട്, അന്യഭാഷ ഉണ്ട്, വ്യഖ്യാനം ഉണ്ട്, സകലവും ആത്മികവർദ്ധനെക്കായി ഉതകട്ടെ.”
കൊലോസ്യർ 3:23-24, “നിങ്ങൾ ചെയ്യുന്നത് ഒക്കെയും മനുഷ്യർക്കെന്നല്ല കർത്താവിന് എന്നപോലെ മനസ്സോടെ ചെയ്‍വിൻ.
24 അവകാശമെന്ന പ്രതിഫലം കർത്താവ് തരും എന്നറിഞ്ഞ് കർത്താവായ ക്രിസ്തുവിനെ സേവിപ്പിൻ.
ദൈവം നിങ്ങളെ അനുഗ്രഹിക്കട്ടെ.
.