ഒരു ടിപിഎം വിശ്വാസിയുടെ യാത്രയിലെ അഞ്ച് ഘട്ടങ്ങൾ

ഓരോ ആഴ്ചയിലും പുതിയ നാടകം അഭിനയിക്കുന്ന സഭയിലെ അംഗങ്ങൾക്ക് (ഇത് ഖേദ കരമാണെങ്കിലും തികച്ചും വിനോദമാണെന്ന് സമ്മതിക്കുന്നു),

നിങ്ങൾ ഒരുപക്ഷെ ആശയക്കുഴപ്പത്തിലായിരിക്കാം, ദേഷ്യത്തിലായിരിക്കാം, അസ്വ സ്ഥരായിരിക്കാം, ഇപ്പോഴും വിശ്വസിക്കാൻ കഴിയാത്ത അവിശ്വസനീയ അവസ്ഥയിൽ ആയിരിക്കാം. പട്ടിക നീളുന്നു. എന്തുകൊണ്ട്?

അതിൻ്റെ കാരണം നിങ്ങൾക്കിഷ്ടപ്പെട്ടാലും ഇല്ലെങ്കിലും നിങ്ങൾ ദുഃഖിതരാകുന്നു എന്ന താണ്. ഈ കൾട്ട് വിടുന്നത്, പ്രത്യേകിച്ചും നിങ്ങൾ അതിൽ ജനിച്ചു വളർന്നവരോ അതിൽ വർഷങ്ങളായി തുടരുകയോ ചെയ്യുന്നവരാണെങ്കിൽ, നിങ്ങൾക്ക് വളരെ അടുത്തതും പ്രധാനപ്പെട്ടതുമായ ഒരാളുടെ മരണം അനുഭവിക്കുന്നതിന് സമാനമാണ്. ഈ ഘട്ടങ്ങളി ലൂടെ ഞാൻ നിങ്ങളെ നയിക്കട്ടെ.

ഘട്ടം 1 – നിരസിക്കൽ (DENIAL)

ഇത് സത്യമല്ല!! യഹോവയുടെ അഭിശക്തനെ തൊടാൻ നിങ്ങൾക്ക് എങ്ങനെ ധൈര്യമുണ്ടായി!!! ഈ തെളിവുകളെല്ലാം ദൈവ ദാസന്മാർക്കെതിരെ കെട്ടിച്ച മച്ചതാണ്!!! ദൈവം ഇതിന് നിങ്ങൾക്ക് നല്ല മറുപടി തരും!!!!! നിങ്ങൾ എതിർ ക്രിസ്തുവും ദൈവത്തിൻ്റെ ഒരേയൊരു യഥാർത്ഥ സഭയെ ഇടിച്ചുതാഴ്ത്താൻ ശ്രമിക്കുകയും ചെയ്യുന്നവരാണ്!!!!

സത്യത്തെ അഭിമുഖീകരിക്കുക, നിങ്ങൾ ഇത് ചെയ്തു. ഇതേ കാര്യങ്ങൾ നിങ്ങൾ നിങ്ങ ളോടും നിങ്ങളുടെ കുടുംബാംഗങ്ങളോടും പറഞ്ഞു, കൂടാതെ സ്നേഹത്തോടെ സത്യം നിങ്ങൾക്ക് മുന്നിൽ അവതരിപ്പിച്ചവരെ ശപിക്കയും അവർക്കെതിരെ ആണയിടുകയും ചെയ്തു. എല്ലാ തെളിവുകളും നിങ്ങൾ നിരസിച്ചു, നിങ്ങളോടു തന്നെ നിരാകരണ മനഃസ്ഥി തിയിലും ആയിരുന്നു, ഹേയ്, ഈ കാര്യങ്ങൾ, യഥാർത്ഥത്തിൽ സത്യമായിരിക്കുമോ? നിങ്ങൾ‌ തെറ്റുകാരനാകാനുള്ള സാധ്യത പരിഗണിക്കുന്നതിനു മുമ്പായി കൂടുതൽ‌ കാര്യ ങ്ങൾ‌ വെളിപ്പെടുത്തുന്നതിന് കുറച്ച് ആഴ്‌ചകളെടുക്കും.

തിരിഞ്ഞുനോക്കി കുറ്റബോധത്തിൽ മുഴുകുന്നതിനുമുമ്പ്, നിങ്ങൾ സ്വയം ദണ്ഡിപ്പിക്ക രുത്, ഇത് എല്ലാവർക്കും സംഭവിക്കുന്നു.

ഘട്ടം 2 – കോപം / ദേഷ്യം (ANGER)

അവർക്ക്‌ എങ്ങനെ ഞങ്ങളുടെ വിശ്വാസം തകർക്കാൻ ധൈര്യം വന്നു? !!! ഈ സഭയിൽ ഞങ്ങൾ പണം നിക്ഷേപിക്കുന്നു !!! അവർ ദൈവത്തിൻ്റെ ദാസന്മാ രാണ്, എന്നിട്ടും ഇതുപോലുള്ള നിന്ദ്യമായ കാര്യങ്ങൾ ചെയ്യുന്നു??? നമ്മൾ പാപം ചെയ്യുമ്പോൾ അവർ നമ്മളെ നിന്ദിക്കുന്നു ??? നമ്മൾ അവരെ എതിർക്കണം !!!!!

അയ്യോ, ഇത് ശരിയായിരിക്കാം, ഒപ്പം കാര്യങ്ങൾ ശരിയാക്കാൻ ആഗ്രഹിക്കുന്നു എന്ന് മന സിലാക്കുമ്പോൾ നിങ്ങൾ ഭ്രാന്തനാകാൻ തുടങ്ങും. വിവിധ ജനങ്ങളുമായി സംസാരിക്ക ണമെന്ന് ആവശ്യപ്പെട്ട് നിങ്ങൾ സഭയുടെ കവാടത്തിൽ നിൽക്കും, അല്ലെങ്കിൽ വിശദീക രണം ആവശ്യപ്പെട്ട് നിങ്ങൾ ഈ പറയപ്പെടുന്ന ദൈവ ദാസന്മാരുടെ ഫോണുകളിൽ വിളി ച്ചുകൊണ്ടിരിക്കും. നിങ്ങൾ സഭയ്ക്കുള്ളിലെ നിങ്ങളുടെ സുഹൃത്തുക്കളെ വിളിക്കാൻ തുടങ്ങുക, അമർഷവും നിരാശയും പ്രകടിപ്പിക്കുക, അതിനെ ക്കുറിച്ച് മോശം ഉപദേശ ങ്ങൾ കൈമാറുക മുതലായവ ചെയ്യാൻ തുടങ്ങും. ഓ, സഭയും അതിൻ്റെ പങ്കാളികളും കേടു പാടുകൾ നിയന്ത്രിക്കാൻ തുടങ്ങുന്ന ഘട്ടം കൂടിയാണിതെന്ന് ഞാൻ സൂചിപ്പിച്ചു. വാർത്തകൾ, വീഡിയോകൾ, ഓഡിയോ റെക്കോർഡിംഗുകൾ, സന്ദേശങ്ങൾ എന്നിവ കാട്ടുതീ പോലെ വാട്‌സ്ആപ്പിൽ പ്രചരിക്കുന്നു. എല്ലാവരും ഈ വിഷയത്തിൽ അവരുടെ അഭിപ്രായം പറയാൻ ആഗ്രഹിക്കുന്നു, ശരിയായതും വ്യാജവും അതിശയോക്തി പരവു മായ വിവരങ്ങൾ ഈ ഘട്ടത്തിൽ ചുറ്റി കറങ്ങുന്നു, കാരണം രോഷാകുലരായ ജനങ്ങൾ കാര്യങ്ങൾ അലങ്കരിക്കാൻ എത്രമാത്രം ഇഷ്ടപ്പെടുന്നുവെന്ന് നമുക്കെല്ലാവർക്കും അറിയാ വുന്ന വസ്തുത ആണല്ലോ?

ജനങ്ങൾ ഓരോരുത്തരുടെ വശം പിടിച്ച് സഭ ധ്രുവീകരിക്കുന്നത് നിങ്ങൾ കാണാൻ തുട ങ്ങുന്നു. അതെ, എൻ്റെ പ്രിയപ്പെട്ട സിംഗപ്പൂർ ടി‌പി‌എം അംഗമായ നീയും കോപത്തോടെ ഒരു വശത്തോട്ടു ചാഞ്ഞു, അല്ലേ?

ഘട്ടം 3 – വിലപേശൽ (BARGAINING)

ഇപ്പോൾ കോപവും അഡ്രിനാലിനും മരിച്ചതിനാൽ നിങ്ങളുടെ സാധ്യതകൾ മങ്ങുന്നു. കുടുംബ ബന്ധങ്ങളും വികാരങ്ങളും മൂലം രോഷം പടരുന്നു. അതെ, നിങ്ങൾക്ക് സംഘട നയുമായി കുടുംബ ബന്ധങ്ങളുണ്ട്, നിങ്ങൾ അവിടെ വളർന്നു, അവിടെ വർഷങ്ങളോളം ചെലവഴിച്ചു, അവർ നിങ്ങൾക്ക് കുടുംബം പോലെയാണ്, നിങ്ങളുടെ ജീവിതം സഭയെ ചുറ്റിപ്പറ്റിയാണ് (ക്രിസ്തുവിനെ ചുറ്റിപ്പറ്റിയല്ല ) നിങ്ങൾ “ഇത് പരിഹരിക്കാൻ എനിക്ക് എങ്ങനെ സഹായിക്കാൻ പറ്റും” എന്ന് ചിന്തിക്കാൻ തുടങ്ങും.

നിങ്ങളുടെ ഹൃദയത്തിൻ്റെ നന്മയിൽ നിന്ന് (അഥവാ നല്ലത് എന്ന് നിങ്ങൾ വിശ്വസിക്കുന്ന തിൽ നിന്ന്) നിങ്ങൾ വീണ്ടും യുദ്ധക്കളത്തിലേക്ക് ഓടുന്നു. പ്രധാന വ്യക്തികളുമായി നിങ്ങൾ വിലപേശാൻ ആരംഭിക്കുന്നു. ഇത് സ്വയം ഭദ്രതയുടെയും ശക്തി ഭദ്രതയുടെയും നീക്കമാണ്. ചിലർ കൂടുതൽ ശക്തരായവരുടെ വശം തിരഞ്ഞെടുക്കുന്നു, ചിലർ ശരിയാ ണെന്ന് വിശ്വസിക്കുന്നവരുടെ പക്ഷം പിടിക്കുന്നു, ചിലർ പക്ഷം ചേരുന്നതിലൂടെ ഭാവി യിൽ നേതാവാകാമെന്ന ചിന്തയോടെ പക്ഷം പിടിക്കുന്നു. കാരണങ്ങൾ എന്തുതന്നെ ആയാലും, വിലപേശലുകളും ഇടപാടുകളും നടത്തുന്നു, സഖ്യങ്ങൾ ഉണ്ടാക്കുന്നു, വാഗ്ദാ നങ്ങൾ നൽകുന്നു, കാര്യങ്ങൾ ശരിയാക്കാമെന്നും ശരിയായ ദിശയാണെന്ന് നിങ്ങൾ വിശ്വസിക്കുന്ന കാര്യങ്ങളിൽ മുന്നോട്ട് പോകാമെന്നും പ്രതീക്ഷിക്കുന്നു.

എന്നാൽ ഉള്ളിൻ്റെയുള്ളിൽ, നിങ്ങൾ തകർന്ന കഷ്ണങ്ങൾ മുറുകെ പിടിക്കാൻ ശ്രമിക്കുക യാണ്, അതിനെ ന്യായികരിക്കാൻ ശ്രമിക്കുന്നു, ഈ കഷ്ടകാലം തീർന്നു കഴിഞ്ഞാൽ ഉടഞ്ഞ കഷണങ്ങൾ വീണ്ടും ഒരുമിച്ചു ചേർത്ത്‌ കാര്യങ്ങൾ സാധാരണ നിലയിലാകു മെന്ന് ചിന്തിച്ച് സ്വയം വഞ്ചിക്കുന്നു.

ഘട്ടം 4 – വിഷാദം (DEPRESSION)

ചില ആഴ്ചകൾ കൂടി കഴിയുന്നു, കൂടുതൽ നാടകങ്ങൾ അനാവരണം ചെയ്യുന്നു, ഇപ്പോൾ, അവസാനം എൻ്റെ പ്രിയപ്പെട്ട സിംഗപ്പൂർ ടിപിഎമ്മിലെ സഹോദരിയും സഹോദരനുമായ നിങ്ങൾക്ക് നിയന്തിക്കാൻ കഴിയില്ലെന്ന് മനസ്സിലായി, നിങ്ങൾക്ക് എല്ലാം നഷ്ടപ്പെടുകയും നിങ്ങൾ ആശയക്കുഴപ്പത്തിലാവുകയും ചെയ്യുന്നു, നിങ്ങൾക്ക് വേദനയും ദേഷ്യവും ഉണ്ട്, നിരവധി കാര്യങ്ങൾക്ക് നിങ്ങളെ കുറ്റം വിധിച്ച, എന്നിട്ട് നിങ്ങളുടെ പിന്നിൽ അധാർമി കവും ആഡംബരവുമായ ജീവിതം നയിച്ച ദൈവ ദാസന്മാർ നിങ്ങളുടെ വിശ്വാസം തക ർത്തു. വിശുദ്ധമായ, പ്രതിഷ്ടിക്കപ്പെട്ട ഒരു ജീവിതത്തിനായി ദൈവം തിരഞ്ഞെടുത്തു വെന്ന് അവകാശപ്പെടുന്നവരും നിങ്ങളുടെ വിശ്വാസത്തെ ഒറ്റിക്കൊടുത്ത മനുഷ്യരിൽ തന്നെ പ്രിയ വായനക്കാരായ നിങ്ങൾ വീണ്ടും ആശ്രയിക്കുന്നു, നിങ്ങൾ ദൈവത്തിൽ ആശ്രയിക്കുന്നതിനു പകരം മനുഷ്യരിൽ ആശ്രയിക്കുന്നു, അങ്ങനെയുള്ളവർ എപ്പോഴും പരാജയപ്പെടും. നിങ്ങൾക്ക് വഞ്ചന നൽകി, നിങ്ങൾ രസകരമായ പരദൂഷണങ്ങളിൽ പങ്കുചേർന്നു, പ്രത്യേകിച്ചും വിവേചനം, പക്ഷപാതം എന്നിവ കാണുമ്പോൾ ഒരിക്കലും സഭയിൽ ശരിയായ കാര്യങ്ങൾക്ക് വേണ്ടി നിലനിന്നില്ലെന്ന് നിങ്ങൾ മനസ്സിലാക്കി. (കൂടു തൽ പണം നൽകിയാൽ ദൈവദാസന്മാർ നിങ്ങൾക്കുവേണ്ടി കൂടുതൽ കഠിനമായി പ്രാർ ത്ഥിക്കുമെന്ന് നമുക്കെല്ലാവർക്കും അറിയാം?). നിങ്ങളും പ്രശ്നത്തിൻ്റെ ഭാഗമായിരുന്നു.

നിങ്ങളുടെ ജീവിതത്തിലെ കഠിനമായ സംഭവങ്ങളിലേക്ക് നിങ്ങൾ തിര നോക്കുന്നു,”സഭ അങ്ങനെ പറയുന്നു” എന്ന കാരണത്താൽ പലതും നിഷേധിക്കപ്പെട്ട നിങ്ങളുടെ കുട്ടികൾ ശരിയായ പാത ഉപേക്ഷിച്ച് ദൈവത്തിൻ്റെ വഴികളിൽ നിന്ന് വ്യതിചലിച്ചുകൊണ്ട്‌ ദേഷ്യ ക്കാരായി മാറുന്നത് നിങ്ങൾ കാണുന്നു. നിങ്ങൾക്ക് അവരെ കുറ്റപ്പെടുത്താമോ? അവർ നിങ്ങളുടെ കാപട്യം കാണുന്നു. സ്വന്തം കുട്ടികളുമായുള്ള നിങ്ങളുടെ ബന്ധം വിഷലി പ്തവും ഏതാണ്ട് പൂർണമായും നിലവിലില്ലാത്ത അവസ്ഥയിലുമാണ്, ഇനി എന്തുചെയ്യണ മെന്ന് നിങ്ങൾക്കറിയില്ല.

നിങ്ങളുടെ ദാമ്പത്യത്തിലേക്ക് നിങ്ങൾ തിരിഞ്ഞു നോക്കുന്നു, നിങ്ങളുടെ ദാമ്പത്യത്തി നിടയിൽ സ്വയം തിരുകി കയറാൻ ദൈവ ദാസന്മാർ ഇഷ്ടപ്പെടുന്നതുകൊണ്ട് ഭയാനക മായ ദുരിതപൂര്‍ണ്ണമായ ഒരു ദാമ്പത്യബന്ധം നിങ്ങൾ കാണുന്നു. നിങ്ങൾ എല്ലായ്പ്പോഴും നിങ്ങളുടെ പങ്കാളിയുമായി തർക്കിക്കുന്നു, നിങ്ങളുടെ ദാമ്പത്യത്തിൽ സന്തോഷമില്ല. അത് വചന പ്രകാരമാണോ? നിങ്ങളുടെ ദാമ്പത്യ ജീവിതത്തിൽ മൂന്നുപേർക്ക് മാത്രമേ ഇടമുള്ളൂ, അത് നിങ്ങളും നിങ്ങളുടെ പങ്കാളിയും ദൈവവുമാണ്. അതിൽ കൂടുതൽ ആയാൽ അത് വലിയ ജനക്കൂട്ടം ആകും.

സഭയിൽ നിങ്ങളെ സ്നേഹിക്കുന്നുവെന്ന് പറയുന്ന നിങ്ങളുടെ ചങ്ങാതിമാരെ നിങ്ങൾ നോക്കുന്നു, ദൈവ ദാസന്മാർ നിങ്ങളെ സ്നേഹിക്കുന്ന കാരണം കൊണ്ടോ നിങ്ങൾക്ക് പണമുള്ളതു കൊണ്ടോ അവർ നിങ്ങളെ സ്നേഹിക്കുന്നു. ഒരിക്കൽ‌ നിങ്ങൾ‌ ദൈവദാ സൻ്റെ അപ്രീതി നേടിയാൽ‌, അവരെല്ലാം പെട്ടെന്ന് നിങ്ങളോട് സംസാരിക്കുന്നത് നിർ‌ ത്തുന്നു. അവർ യഥാർത്ഥത്തിൽ നിങ്ങളുടെ സുഹൃത്തുക്കളാണോ? സഭയാണെന്ന് നിങ്ങൾ കരുതിയത് ശക്തി പ്രകടിപ്പിക്കാനുള്ള ഒരു രാഷ്ട്രീയ സർക്കസ് കളിസ്ഥലമ ല്ലാതെ മറ്റൊന്നുമല്ലെന്ന് നിങ്ങൾ മനസ്സിലാക്കാൻ തുടങ്ങുന്നു. വർഷങ്ങളായി സഭയിൽ ഉണ്ടായിരുന്ന നിങ്ങളുടെ പഴയ മാതാപിതാക്കളെ നിങ്ങൾ നോക്കുന്നു, കർത്താവിൻ്റെ സന്തോഷം അവരിൽ ഇല്ല. പകരം, അവർ വിമർശകരും തിടുക്കത്തിൽ തീരുമാനത്തിൽ എത്തുന്നവരുമാണ്, കൂടാതെ ദൈവദാസന്മാർ വഴി മാത്രമേ നിങ്ങൾക്ക് സ്വർഗത്തിലേക്ക് ടിക്കറ്റ് ലഭിക്കൂ എന്ന് വിശ്വസിക്കുന്നു. അവരുടെ അവസ്ഥ പരിതാപകരമാണ്, ആരും അവരെ ഇഷ്ടപ്പെടുന്നില്ല.

ഇപ്പോൾ നിങ്ങൾ സ്വയം നോക്കുന്നു. കുട്ടിക്കാലത്ത് പുലർച്ചെ 4:00 മണിക്കുള്ള നിർബ ന്ധിത പ്രഭാത പ്രാർത്ഥനയിൽ, നിങ്ങൾ ഉറങ്ങി പോയാൽ, അവർ നിങ്ങളെ നുള്ളുകയോ ഉണർത്തുകയോ ചെയ്യുന്നു. നിങ്ങൾ വിവാഹം കഴിക്കാൻ ആഗ്രഹിക്കുന്നുവെന്ന് തീരുമാ നിച്ചപ്പോൾ നിങ്ങൾക്ക് നേരിടേണ്ടി വന്ന കുറ്റബോധം നിങ്ങളെ തുറിച്ചു നോക്കുന്നു, നിങ്ങൾ ദൈവത്തെക്കാൾ മനുഷ്യനെ സ്നേഹിക്കുന്നുവെന്നും “ദൈവദാസന്മാരുടെ വഴി” ദൈവത്തെ സേവിക്കുന്നതിനു പകരം ഒരു ലൗകിക ജീവിതം ആഗ്രഹിക്കുന്നു വെന്നും പറഞ്ഞ് ദൈവദാസന്മാർ നിങ്ങളുടെ നേരെ ദേഷ്യത്തോടെ ആഞ്ഞടിച്ചു. നിങ്ങ ൾക്ക് ഇപ്പോഴും ആ കുറ്റബോധം തോന്നുന്നു, മാത്രമല്ല നിങ്ങൾ ചെയ്യുന്ന പ്രവൃത്തികളി ലൂടെ മാത്രമേ നിങ്ങൾക്ക് ദൈവത്തിൻ്റെ അടുക്കൽ എത്താൻ കഴിയൂ എന്ന് ചിന്തിക്കുന്നു.

സ്വയം നോക്കൂ, ഹൃദയം നോക്കൂ. നിങ്ങൾക്ക് സന്തോഷമില്ല, നിങ്ങൾ കൃതാർത്ഥരല്ല.

സങ്കീർത്തനം 16:11, “ജീവൻ്റെ വഴി നീ എനിക്ക് കാണിച്ചുതരും; നിൻ്റെ സന്നിധിയിൽ സന്തോഷ പരിപൂർണ്ണതയും നിൻ്റെ വലത്തുഭാഗത്ത്‌ എന്നും പ്രമോദങ്ങളും ഉണ്ട്.”

ജീവിത പാതയിലല്ല, നിത്യമായ ആത്മീയ മരണത്തിൻ്റെ പാതയിലാണെന്ന് നിങ്ങൾ മന സ്സിലാക്കുന്നു. കാരണം, നിങ്ങൾ ജീവിത പാതയിലായിരുന്നുവെങ്കിൽ, ദൈവ സന്നിധി യിൽ നിങ്ങൾക്ക് സന്തോഷ പരിപൂർണ്ണത ലഭിക്കുമായിരുന്നു.

തായ് ജിൻ റോഡിലെ ആ കെട്ടിടത്തിൽ നിരവധി ആത്മാക്കൾ ഉണ്ടെന്ന് എനിക്ക് നിങ്ങ ളോട് പറയാൻ കഴിയും, എന്നാൽ ദൈവത്തിൻ്റെ ആത്മാവ് അവയിലൊന്നല്ല.

നിങ്ങൾ സ്വയം പിന്മാറി മിണ്ടാതിരിക്കുക, നിങ്ങൾ കുറച്ചുകാലം സഭയിൽ നിന്ന് മാറി നിൽക്കുക (ഹേയ്, കോവിഡ് അതും നേടാൻ നിങ്ങളെ സഹായിച്ചു).

നിങ്ങൾ വിഷാദാവസ്ഥയിലാകുന്നു.

ഘട്ടം 5 – സ്വീകാര്യത (ACCEPTANCE)

ജീവിതത്തിൻ്റെ നല്ല ഭാഗം കഴിഞ്ഞു പോയി, ഇപ്പോൾ നിങ്ങൾ ഒരു തീരുമാനമെടുക്കണം. തുടരണോ അതോ വിട്ടുപോകണമോ?

ഇതിന് 2 വഴികൾ മാത്രമേ ഉള്ളൂവെങ്കിലും മിക്ക ആളുകളും പറയും, ഇത് വളരെ എളുപ്പ മുള്ള തീരുമാനമാണ്, ഇത് നിങ്ങളുടെ ഉള്ളിൽ കണ്ണീരൊഴുക്കുന്നു. നിങ്ങൾ‌ക്കറിയാവുന്ന തെല്ലാം ഉപേക്ഷിച്ച്, നിങ്ങൾ‌ക്കൊപ്പം വളരാൻ‌ ആഗ്രഹിച്ച എല്ലാ ജനങ്ങളെയും (കാരണം ഈ കൾട്ട് നിങ്ങളെ ഈ സഭയിൽ‌ ഉൾപ്പെടാത്ത വ്യക്തികളിൽ‌ നിന്നും മാറിനിൽക്കാൻ പ്രേരിപ്പിക്കുന്നു), ഈ സഭയിലെ സൈനികരായ തീവ്രവാദികളായ നിങ്ങളുടെ കുടുംബാം ഗങ്ങളെ പോലും പിന്നിൽ വിട്ടിട്ട് പോകുന്നത് വളരെ വേദനാജനകവും ബുദ്ധിമുട്ടുള്ളതു മായ തീരുമാനമാണ്. നിങ്ങളെ ജനങ്ങൾ പുറത്താക്കുമെന്നും നിങ്ങൾക്കറിയാം, തെറ്റായ കാരണങ്ങളാൽ അലങ്കരിച്ച ചില അത്ഭുതകരമായ കഥകൾ നിങ്ങൾ കേൾക്കും “ഓ, ആ വ്യക്തി ഉപേക്ഷിച്ചു, കാരണം അവന് ദൈവത്തിൻ്റെ നിലവാരം പുലർത്താൻ കഴിയില്ല, ലോകത്തെ പിന്തുടരാൻ ആഗ്രഹിക്കുന്നു.” “ഓ, ആ വ്യക്തിയെ ഭൂതം പിടിച്ച് പാപത്തിൽ അകപ്പെട്ടു”.

എന്നാൽ എൻ്റെ സഹോദരാ, സഹോദരി, ക്രിസ്തുവിൻ്റെ വചനങ്ങൾ വായിക്കാൻ ഞാൻ നിങ്ങളോട് അഭ്യർത്ഥിക്കുന്നു:

ഗലാത്യർ 1:10, “ഇപ്പോൾ ഞാൻ മനുഷ്യരെയോ ദൈവത്തെയോ സന്തോഷിപ്പിക്കു ന്നത്? അല്ല, ഞാൻ മനുഷ്യരെ പ്രസാദിപ്പിപ്പാൻ നോക്കുന്നുവോ? ഇന്നും ഞാൻ മനു ഷ്യരെ പ്രസാദിപ്പിക്കുന്നു എങ്കിൽ ക്രിസ്തുവിൻ്റെ ദാസനായിരിക്കയില്ല.”

നിങ്ങൾ ആരുടെ അംഗീകാരം ആഗ്രഹിക്കുന്നു? ദൈവത്തിൻ്റെ അംഗീകാരമോ അതോ മനുഷ്യൻ്റെ അംഗീകാരമോ?

ഇന്ന് നിങ്ങൾ ഒരു വഴിത്തിരിവിൽ നില്കുന്നു, ഇടുങ്ങിയ വഴി ജീവിതത്തിലേക്കും ക്രിസ്തു വിലേക്കും നയിക്കുന്നു, തീരുമാനം എടുക്കുക. നിങ്ങൾക്ക് വീണ്ടും ആ അവസരം ലഭി ക്കുമോ എന്ന് നിങ്ങൾക്കറിയില്ല, ജീവിതം പ്രവചനാതീതമാണ്. നിങ്ങൾ ഇന്ന് ഇവിടെ യുണ്ട്, അടുത്ത നിമിഷം ഈ ലോകത്തിൽ നിന്നും മാറ്റപ്പെടാം, ഇപ്പോൾ സ്ഥിരമായി കാണുന്ന ദൈവദാസന്മാരുടെ മരണങ്ങളുടെ എണ്ണത്തിൽ നിന്ന് നിങ്ങൾ ഇത് അറിഞ്ഞി രിക്കണം. എവിടെ പോകണമെന്ന് നിങ്ങൾക്ക് അറിയാൻ വയ്യാത്തതുമൂലം നിങ്ങൾ ഭയ പ്പെടുന്നു. പുറത്തുള്ള ജീവിതത്തെ ക്കുറിച്ച് നിങ്ങൾക്ക് ശരിക്കും അറിയില്ല. എന്നാൽ ഞാൻ സേവിക്കുന്ന ദൈവം ഇതിൻ മദ്ധ്യേ നിങ്ങളോടൊപ്പം നടക്കുമെന്ന് വാഗ്ദാനം ചെയ്തി ട്ടുണ്ട്. നിങ്ങളുടെ ബൈബിൾ എടുത്ത് വായിക്കാൻ ഞാൻ നിങ്ങളോട് അപേക്ഷി ക്കുന്നു. നിങ്ങളിൽ ഉൾച്ചേർത്ത തെറ്റായ ദൈവശാസ്ത്രത്തെ ശരിയാക്കുന്നതി നുള്ള നല്ല അടിത്തറ നൽകുന്നതിന് ഈ സൈറ്റിലെ മുമ്പത്തെ ലേഖനങ്ങൾ നോക്കുക. ഇത് നിങ്ങൾ വായിക്കുക, പഠിക്കുക. ബെരോവക്കാരെപ്പോലെ ആകുക. ഈ പറയപ്പെടുന്ന ദൈവദാസന്മാർ മൊത്തത്തിൽ പറഞ്ഞ കാര്യങ്ങ ളെല്ലാം ഒരിക്കലും തിരുവെഴുത്ത് പരിശോധിക്കാതെ നിങ്ങൾ അതേപടി ഏറ്റെ ടുത്തു.

അപ്പൊ.പ്രവൃ. 17:11, “അവർ (ബെരോവക്കാർ) തെസ്സലോനീക്കയിലുള്ളവരെക്കാൾ ഉത്തമന്മാരായിരുന്നു. അവർ വചനം പൂർണ്ണജാഗ്രതയോടെ കൈക്കൊണ്ടതല്ലാതെ അത് അങ്ങനെ തന്നെയോ എന്ന് ദിനംപ്രതി തിരുവെഴുത്തുകളെ പരിശോധിച്ചു പോന്നു.”

മറ്റ് കൂട്ടായ്മകൾ സന്ദർശിക്കുക, ചുറ്റും നോക്കുക. ടിപിഎമ്മിലൂടെ മാത്രമേ നിങ്ങൾക്ക് സ്വർഗത്തിൽ എത്തിച്ചേരാനാകൂ എന്ന ആശയം നിങ്ങൾ വലിച്ചെറിയേണ്ടതുണ്ട്, ദൈവ ത്തിന് എല്ലായിടത്തും പോരാളികളുണ്ട്. തായ് ജിന്നിലെ ശുശ്രുഷ അവസാനിച്ചശേഷം ധാരാളം ടിപിഎം അംഗങ്ങൾ രഹസ്യമായി പോകുന്ന ഒരു പ്രത്യേക സഭ ഉണ്ടെന്ന് നിങ്ങ ൾക്കറിയാമല്ലൊ. സ്വയം ചിന്തിക്കുക, അവർ എന്തിനാണ് അവിടെ പോകുന്നത്?

നിങ്ങളുടെ രക്ഷ പരിശോധിക്കുക. നിങ്ങൾ ടിപിഎമ്മിൽ ആയതുകൊണ്ട് രക്ഷിക്കപ്പെ ട്ടുവെന്ന് നിങ്ങൾ വിശ്വസിക്കുന്നുവോ അതോ ക്രിസ്തുവിൻ്റെ സുവിശേഷം വിശ്വസിക്കു ന്നുവോ? കാരണം, ആ സഭയിൽ നിന്ന് അവർ വന്നതുകൊണ്ട് രക്ഷിക്കപ്പെട്ടെന്ന് വിശ്വ സിക്കുന്ന പലരും അവിടെ ഉണ്ടെന്ന് എനിക്കറിയാം. ആരുടെയോ ശവസംസ്കാരത്തിനായി ഞാൻ തിരികെ ടിപിഎം സഭയിൽ പോയപ്പോൾ ചിലർ നേരെ ഞങ്ങളുടെ അടുത്ത് വന്ന് ഞങ്ങൾ ടിപിഎം വിട്ടതിനാൽ ഞങ്ങൾക്ക് രക്ഷ നഷ്ടപ്പെട്ടുവെന്ന് പറഞ്ഞു. നിങ്ങൾ ഇത് വിശ്വസിക്കുന്നുവെങ്കിൽ, നിങ്ങൾ യഥാർത്ഥത്തിൽ രക്ഷിക്കപ്പെട്ടിട്ടില്ലെന്ന് ഞാൻ നിങ്ങ ളോട് പറയുന്നു. നിങ്ങൾ വിശ്വസിക്കുന്നത് ഒരു സംഘടനയിലാണ്, യേശു ക്രിസ്തുവിലല്ല.

യോഹന്നാൻ 14:6, “ഞാൻ തന്നേ വഴിയും സത്യവും ജീവനും ആകുന്നു; ഞാൻ മുഖാ ന്തരമല്ലാതെ ആരും പിതാവിന്റെ അടുക്കൽ എത്തുന്നില്ല.”

ടിപിഎം പഠിപ്പിക്കുന്നു ടിപിഎം വഴിയും സത്യവും ജീവനും ആകുന്നു, അവർ മുഖാന്തരമല്ലാതെ ആരും പിതാവിൻ്റെ അടുക്കൽ എത്തുന്നില്ല.

എഫെസ്യർ 2:8-9, “കൃപയാലല്ലോ നിങ്ങൾ വിശ്വാസംമൂലം രക്ഷിക്കപ്പെട്ടിരിക്കുന്നത്; അതിനും നിങ്ങൾ കാരണമല്ല; ദൈവത്തിൻ്റെ ദാനമത്രേയാകുന്നു. ആരും പ്രശംസി ക്കാതിരിപ്പാൻ പ്രവൃത്തികളും കാരണമല്ല.”

അപ്പൊ.പ്രവൃ. 4:12, “മറ്റൊരുത്തനിലും രക്ഷ ഇല്ല; നാം രക്ഷിക്കപ്പെടുവാൻ ആകാശ ത്തിൻ കീഴിൽ മനുഷ്യരുടെ ഇടയിൽ നല്കപ്പെട്ട വേറൊരു നാമവും ഇല്ല.”

രക്ഷ പ്രാപിപ്പാൻ നിങ്ങൾക്ക് ഒന്നും ചെയ്യാനാകില്ല. “ഓ, നിങ്ങൾ ശുശ്രൂഷയിൽ ചേരുകയാ ണെങ്കിൽ ദൈവം നിങ്ങളെ രക്ഷിക്കും” എന്ന രീതിയിലുള്ള എല്ലാ പ്രചോദനങ്ങളും തികച്ചും മതനിന്ദയും ആക്ഷേപാര്‍ഹവുമാണ്. അവരുടെ “പ്രവൃത്തികളെ കുറിച്ച്” വീമ്പിളക്കാൻ അവർ എത്രമാത്രം ഇഷ്ടപ്പെടുന്നുവെന്ന് നമുക്കെല്ലാവർക്കും അറിയാം. ഇപ്പോൾ ഈ നാടകങ്ങളിൽ നിന്ന്, നിങ്ങൾ യഥാർത്ഥ സ്വഭാവം മനസ്സിലാക്കികാണും. വിശ്വാസത്തിൽ അത് സ്വീകരിക്കുക, നിങ്ങൾക്ക് നിത്യജീവൻ ലഭിക്കുവാൻ ദൈവം നിങ്ങൾക്കായി വില നൽകി. നിങ്ങൾ ജീവിക്കാനായി അവൻ നിങ്ങളുടെ പാപം സ്വയം ഏറ്റെടുത്തു.

നിങ്ങൾ യഥാർത്ഥത്തിൽ ഒരു ദൈവ പൈതലാണെങ്കിൽ, നിങ്ങളുടെ ജീവിതം അത് കാണിക്കും.

മത്തായി 7:16, “അവരുടെ ഫലങ്ങളാൽ നിങ്ങൾക്ക് അവരെ തിരിച്ചറിയാം; മുള്ളുക ളിൽ നിന്നു മുന്തിരിപ്പഴവും ഞെരിഞ്ഞിലുകളിൽ നിന്നു അത്തിപ്പഴവും പറിക്കു മാറുണ്ടോ?”

ടിപിഎം പുറപ്പെടുവിക്കുന്ന ഫലം നിങ്ങൾ കണ്ടു. നിങ്ങൾ അവിടെ ആയിരുന്നപ്പോൾ നിങ്ങളുടെ സ്വന്തം ജീവിതത്തിലെ ഫലം അഥവാ ഫലത്തിൻ്റെ അഭാവം കണ്ടു. യേശു വിന് ഒരു വ്യക്തിയെന്ന നിലയിൽ നിങ്ങളെ രൂപാന്തരപ്പെടുത്താൻ കഴിയും, നിങ്ങൾക്ക് ക്രിസ്തുവിൻ്റെ യഥാർത്ഥ അനുയായിയാകാം.

ഭയം നിങ്ങളെ വിട്ടുപോകുന്നതിൽ നിന്ന് തടയുന്നുവെങ്കിൽ, ഇത് ഓർക്കുക:

1 യോഹ. 4:18, “സ്നേഹത്തിൽ ഭയമില്ല; ഭയത്തിന് ദണ്ഡനം ഉള്ളതിനാൽ തികഞ്ഞ സ്നേഹം ഭയത്തെ പുറത്താക്കിക്കളയുന്നു; ഭയപ്പെടുന്നവൻ സ്നേഹത്തിൽ തിക ഞ്ഞവനല്ല.”

ദൈവത്തിൻ്റെ സമ്പൂർണ്ണ സ്നേഹവും കൃപയും ശക്തിയും ഇതിനെ മറികടന്ന് പുതിയ ഒരു ജീവിതത്തിലേക്ക് പ്രവേശിക്കാൻ മതിയാകും. നിങ്ങൾ ദൈവത്തെക്കാൾ കൂടുതൽ മനുഷ്യനെ ഭയപ്പെടുന്നുവെങ്കിൽ, നിങ്ങളുടെ വിശ്വാസം ആരിൽ എന്ന് സ്വയം വിശക ലനം ചെയ്യുക.

നിങ്ങൾക്ക് എന്ത് തോന്നുന്നുവെന്ന് എനിക്കറിയാം, എൻ്റെ കുടുംബം മുഴുവനും ഇതി ലൂടെ കടന്നുപോകുന്നത് ഞാൻ കണ്ടു, ഇത് ഒരു കൂട്ടം വാക്കുകൾ മാത്രമല്ല, അനുഭവ ത്തിൽ നിന്നാണ് ഞാൻ സംസാരിക്കുന്നത്. നിങ്ങൾക്ക് സഹായം ആവശ്യമുണ്ടെങ്കിൽ, ആരെങ്കിലും സംസാരിക്കണമെന്ന് നിങ്ങൾ ആഗ്രഹിക്കുന്നുവെങ്കിൽ, നിങ്ങൾക്ക് ഉറ പ്പില്ലെങ്കിൽ, നിങ്ങൾക്ക് എന്നെ ബന്ധപ്പെടുകയോ താഴെ ഒരു അഭിപ്രായം ഇടുകയോ ചെയ്യാം. നിങ്ങളെ പ്രോത്സാഹിപ്പിക്കാനും ഈ കൾട്ടിൽ നിന്ന് പുറത്തുവരാൻ സഹായി ക്കാനും എപ്പോഴും തയ്യാറായിരിക്കുന്ന ലോകമെമ്പാടുമുള്ള നിരവധി സഹോദരങ്ങൾ ഈ സൈറ്റിൽ ഉണ്ട്. ഇപ്പോൾ നിങ്ങൾ കടന്നുപോകുന്ന ഈ കാര്യങ്ങളിലൂടെ അവരും കടന്നുപോയിട്ടുണ്ട്, നിങ്ങൾ ഇന്ന് ആലോചിക്കുന്ന ആ തീരുമാനങ്ങളെല്ലാം അവരും എടുത്തിട്ടുണ്ട്.

നിങ്ങൾ ഒരു ദൈവദാസൻ ആണെങ്കിൽ എന്തോ ഒരു വലിയ അത്ഭുതത്തിലൂടെ ഈ ലേഖനം വായിക്കുന്നുണ്ടെങ്കിൽ, (അതെ, പ്രത്യേകിച്ച് സഹോദരിമാരുമായി ആശയ വിനിമയം നടത്തുന്നതിൽ നിന്ന് നിങ്ങളെ തടയുന്നതിനായി നിങ്ങളുടെ എല്ലാ സ്വകാര്യ ഉപകരണങ്ങളും കണ്ടുകെട്ടുന്നതിനെ കുറിച്ച് ഞാൻ കേട്ടിട്ടുണ്ട്) നിങ്ങൾ ഈ കൾട്ടിൽ നിന്ന് പുറത്തുവരാൻ ആഗ്രഹിച്ചിട്ട് എങ്ങുമെത്തുന്നില്ലെങ്കിൽ ഞങ്ങൾക്ക് ഒരു സന്ദേ ശമോ അഭിപ്രായമോ ഇടുക, നിങ്ങളെ സഹായിക്കാൻ ഞാൻ ആവുന്നതെല്ലാം ചെയ്യും.

ഞാൻ ഈ വാക്യത്തോടെ നിങ്ങളോട് വിട പറയുന്നു:

യോശുവ 24:15, “യഹോവയെ സേവിക്കുന്നത് നന്നല്ലെന്നു നിങ്ങൾക്ക് തോന്നുന്നെ ങ്കിൽ നദിക്കക്കരെവെച്ചു നിങ്ങളുടെ പിതാക്കന്മാർ സേവിച്ച ദേവന്മാരെയോ നിങ്ങൾ പാർത്തുവരുന്ന ദേശത്തിലെ അമോർയ്യരുടെ ദേവന്മാരെയോ ആരെ സേവിക്കും എന്ന് ഇന്നു തിരഞ്ഞെടുത്തു കൊൾവിൻ. ഞാനും എൻ്റെ കുടുംബ വുമോ, ഞങ്ങൾ യഹോവയെ സേവിക്കും.”

നിങ്ങൾ ആരെ സേവിക്കുമെന്ന് ഈ ദിവസം തിരഞ്ഞെടുക്കുക.

ദൈവം നിങ്ങളെ അനുഗ്രഹിക്കട്ടെ.

.